Бөтеке немесе етті қарын

Уикипедия — ашық энциклопедиясынан алынған мәлімет
Jump to navigation Jump to search

Бөтеке немесе етті қарын (ventriculus muscularis; лат. ventriculus — қарын және muscularis — етті) — екі бөлімді құстар қарнының етті бөлімі. Бөтеке — сүтқоректі жануарлар қарынының қақпалық (пилорустық) бөлігіне сәйкес келеді. Бөтеке қуысында азықты диірменше тартып, ұсақтайтын шыны сынықтары, майда тастар, құм болады. Аталмыш заттар құстарда болмайтын тістердің қызметін атқарады. Бөтекенің қабырғасы түтікше мүше ретінде үш қабықтан: ішкі — кілегейлі, ортаңғы - етті және сыртқы - сірлі қабықтардан тұрады. Кілегейлі қабықты бірқабатты текше (куб) тәрізді эпителий астарлайды. Кілегейлі қабықтагы түтікше бездер — бөтеке қуысына мүйіз тәрізді тез қатаятын сөл бөледі. Ол бөтекенің ішкі бетін қаптап, қорғаныс қызметін атқарады және егеу тәрізді азықты егеп, оны үсақтауға қатысады. Бөтеке сөлінің құрамында ас қорыту ферменттері болмайды.[1]

Дереккөздер[өңдеу]

  1. Биоморфология терминдерінің түсіндірме сөздігі/ - Алматы: "Сөздік-Словарь", 2009. ISBN 9965-822-54-9