Ваккуумдық материалдар

Вакуумдық материалдар — вакуумдық аппаратуралар мен құралдарда қолданылатын материалдар. Вакуумдық материалдар мынадай топтарға бөлінеді: құралымдық материалдар, геттерлер (газға не буға қарағанда жұту қабілеті жоғары зат), вакуумдық майлар және жұмыстық сұйықтықтар (мысалы, сынап), жағармайлар, желім, цементтер (шлифтерді, шүмектерді тығыздау үшін). Вакуумның жоғарғы шегіне жету және оны аппараттар мен құралдарда ұзақ уақыт сақтау процесі, негізінен, жұмыстық температурада қаныққан будың төменгі қысымымен, сондай-ақ, вакуумдық материалдардың газды оңай бөліп шығаруымен әрі олардың газды аз өткізгіштігімен анықталады.