Валлиліктер

Валлиліктер, уэльстіктер — халық. Уэльс түбегі мен Батыс Ұлыбританиядағы Монмутшир графтығында қоныстанған. Саны 1 млн-нан астам (1992). Ана тілі — валли тілі, бірақ түгелдей дерлік ағылшынша сөйлейді. Тегі жағынан кимрлер мен бриттерден құралған кельт тайпасының ұрпақтары. Валлиліктер англосаксондарға тек 13 ғ-дың аяғында бағынды. Қазіргі уақытта солтүстіктегі Валлиліктердің негізгі кәсібі — егіншілік және мал шаруашылығы, ал оңтүстіктегілері көбіне көмір өнеркәсібінде жұмыс істейді. Ұлттық киім үлгілері, тағамы, баспанасы ауылдық жерлерде ғана өзіндік ерекшелігін сақтаған.