Валлондар
| Walons | |
 Валлония туы | |
| Бүкіл халықтың саны | |
|---|---|
|
3,5 млн | |
| Ең көп таралған аймақтар | |
| Тілдері | |
| Діні | |
| Этникалық топтары | |
Валлондар — Бельгиядағы Валлония облысының тұрғын халқы. Саны 3,9 млн. (1995). Франция (60 мың) мен АҚШ-та (80 мың) да тұрады. Орта еуропалық нәсілге жатады. Француз тілінің валлон диалектісінде сөйлейді. Арғы ата-бабалары кельт және белг тайпаларынан тарайды. 1830 ж. фламандтармен бірігіп дербес Бельгия мемлекетін құрған. Валлондардың негізгі кәсіптері — егін және мал шаруашылығы. Жазықтық жерлерде бидай, арпа, картоп, қант қызылшасын егеді. Ал қыратты жерлерді қоныстанғандары мал, көбіне сиыр бағады. Валлондардың басым көпшілігі қалаларда тұрады, мәдениеті мен тұрмыс-тіршілігі жағынан Валлондар солтүстік-шығыстағы француздарға ұқсас келеді. Көбіне биік дуалмен қоршалған бір, кейде екі қабатты үйлерде тұрады. Ұлттық тағамдары: картоп, көкөніс, жарма, балық. Сондай-ақ, кофе, сүт, сыра. Ерлер француздар секілді берет пен ұзын көйлек, әйелдер ұзын, жолақты белдемшенің сыртынан қара алжапқыш тағынады. Иықтарына орамал жауып, бастарына жиегі кең қалпақ киеді. Діни мейрамдарында ән салып, би билеп, құс қауырсындарымен әшекейленген бас киім киген сайқымазақтың қатысуымен салтанатты шерулер өткізеді.[1]
Дереккөздер[өңдеу | қайнарын өңдеу]
- ↑ «Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 жыл, ISBN 5-89800-123-9, II том
 | Бұл мақаланы Уикипедия сапа талаптарына лайықты болуы үшін уикилендіру қажет. |
|
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |