Ванюшиндер үйі

Уикипедия — ашық энциклопедиясынан алынған мәлімет
Навигацияға өту Іздеуге өту

Ванюшиндер үйіОрал қаласындағы архитектуралық ескерткіш.

Іргесі 19 ғасырдың 70-жылдарында қаланған. 3 қабатты ғимарат Мәскеудің Кремль аумағыңда орналасқан сарайдың (17 ғ.) архитектура үлгісіне еліктеп салынған. Құрылысқа жергілікті зауыт кірпіші пайдаланылған. Жобаның авторы белгісіз. Көпес Ванюшиндер отбасы бұл үйді жеке меншік үй иелігінің коммерциялық клубына жалға беріп, кейіннен көпестер қоғамына сатып жібереді. 1872 ж. Санкт-Петербургтің Солтүстік сақтандыру қоғамы Ванюшиндер үйін өз қарамағына алды. Ғимараттың алғашқы иесі — шарап ашыту шеберлігімен аймаққа әйгілі болған А.Ванюшина. Оның өнімі — "Асхана шарабы" 1893 ж. Чикаго (АҚШ) қаласында өткен халықаралық көрмеде жүлделі орын иеленіп, арнаулы медальмен марапатталған. Кейін бұл үй Оралдың, Бузулук пен Самараның көпестері балагур, кегельбан ойнап, демалатын коммерциялық (көпестік) клубқа айналды. 1919 ж. оған Орал ақ казактар армиясының тыл қызметіндегілер орналасты. Кейін РК(б) П-ның қалалық комитеті, облыстық комитеті, Коммунистер клубы болды. Ұлы Отан соғысы жылдарында Одесса жаяу әскер училищесінің асханасы, оқу кластары және штабы, кейін aуыл шаруашылық техникумы болды. 1985-87 ж. жаңартылды. 1987 ж. Пионерлер үйіне, 1992 ж. мектептен тыс жұмыс істеу орталығына айналды.

Қазір мұнда Әлия Молдағұлова атындағы 38 мектеп-лицей орналасқан.[1]

Дереккөздер

[өңдеу | қайнарын өңдеу]
  1. Батыс Қазақстан облысы. Энциклопедия. — Алматы: «Арыс» баспасы, 2002 жыл. ISBN 9965-607-02-8