Василий Аполлонович Андреев

Уикипедия — ашық энциклопедиясынан алынған мәлімет
Jump to navigation Jump to search

Василий Аполлонович Андреев (1906, Украина, Днепропетровск облысы Соленое ауданы Соленое селосы — 2.2.1974, Душанбе, Тәжікстан) - 2-дүниежүзілік соғысқа қатысушы, пулемет нысанашысы, гвардия кіші сержанты. Орыс.

Соғысқа дейін түрлі әкімшілік қызметтер атқарған. Кеңес әскері қатарына 1942 жылдың қарашасында Ақтөбе қаласы әскери комиссариатынан шақырылған. Оңт., 1-Прибалтика, З-Беларусь майдандарында Ұлы Отан соғысына қатысқан. З-Беларусь майданы 2-гвардиялық армиясының 32-гвардиялық атқыштар дивизиясы 82-атқыштар полкі кұрамында Ұлы Отан соғысына қатысты. Андреев Кенигсберг қаласы (қазіргі Калининград қ.) бағытындағы ұрыстарда ерлікпен шайқасты. 1945 ж. 15 сәуірде оның пулемет расчеті жаудың 4 қарсы шабуылын тойтарып, 140 жау әскерін тұтқындады. Сонымен қатар Андреев жау тылында ыңғайлы позицияға бекініп, бөлімшенің басқа жауынгерлері келіп жеткенше 20 әскерді жойды. Андреевке КСРО Жоғары Кеңесі Төралқасының Жарлығымен 1945 жылғы 29 шілдеде Кеңес Одағының Батыры атағы берілді.

Соғыстан кейін Душанбе қаласында (Тәжікстан) тұрып, еңбек етеді. Ленин, «Қызыл Жұлдыз», 3-дәрежелі Даңқ ордендерімен және «Ерлігі үшін», т.б. медальдармен марапатталған. [1]

Дереккөздер[өңдеу]

  1. Айбын. Энциклопедия. / Бас ред. Б.Ө.Жақып. - Алматы: «Қазақ энциклопедиясы», 2011. - 880 бет.ISBN 9965-893-73-Х