Василий Васильевич Степаненко

Василий Васильевич Степаненко(3.2.1923 жылы туған, Павлодар облысы, Тереңкөл ауданы, Тимофеевка селосы) - 2-дүниежүзілік соғысқа қатысушы, батарея командирі, орыс.

Кеңес әскері қатарына 1941 жылы шақырылып, 1942 жылы Фрунзе қаласындағы (қазіргі Бішкек) жаяу әскер училищесін, 1943 жылы «Выстрел» курсын бітірген. 1-Украина майданы 3-гвардиялық танк армиясы 7-гвардиялық танк корпусы 467-гвардиялық миномет полкі құрамында Ұлы Отан соғысына қатысқан. 1945 жылы 23 қаңтарда Степаненко алғашқылардың бipi болып, Одер (Одра) өзенінен Грошовице (Польша, Ополе қаласының маңы) аймағында өтіп, батареясымен алғы шепке шықты. Басып алған плацдармды ұстап, өзеннен басқа бөлімдердің өтуін қамтамасыз етті. Степаненкоға қаһармандығы үшін КСРО Жоғарғы Кеңесі Төралқасының Жарлығымен Кеңес Одағының Батыры атағы берілді (10.4.1945). 1945 жылы 2 мамырда хабарсыз кеткен.

Павлодар облысы, Ертіс ауданы, Беловодск атындағы №32 орта мектепке (казіргі Шубарат ауылы), сондағы бір көшеге Степаненко есімі берілген. Мектеп ғимаратында мемориалдық тақта орнатылған.

Ленин, l-дәрежелі Отан соғысы, «Қызыл Жұлдыз» ордендерімен, медальдармен марапатталған.