Василий Васильевич Струве

Уикипедия — ашық энциклопедиясынан алынған мәлімет
Jump to navigation Jump to search
Василий Васильевич Струве
Туған күні

21 қаңтар 1889(1889-01-21)

Туған жері

Санкт-Петербург, Ресей империясы

Қайтыс болған күні

11 қыркүйек 1965(1965-09-11) (76 жас)

Қайтыс болған жері

Ленинград, Кеңес Одағы

Азаматтығы

 Кеңестік Социалистік Республикалар Одағы

Ғылыми аясы

шығыстану, египтология, ассириология

Ғылыми дәрежесі

Тарих ғылымдарының докторы

Ғылыми атағы

КСРО ҒА академигі

Альма-матер

Санкт-Петербург университеті

Ғылыми жетекші

Б. А. Тураев,
П. К. Коковцов,
М. И. Ростовцев

Василий Васильевич Струве (21.1.1889, Санкт-Петербург – 15.9.1965, сонда) – шығыстанушы, тарих ғылымдарының докторы, КСРО ғылым академиясының академигі (1935). Шығыс елдері ежелгі тарихын зерттеу жөніндегі кеңес мектебінің негізін қалаушы. 1907 жылы Петербург университетінің Тарих және филология факультетінің тарих бөліміне түсіп, онда көне грек және латын тілдерін, ал белгілі ресейлік египтолог Борис Тураевтың басшылығымен көне египет тілін оқыды. Ол египет жазуының барлық түрлерін, соның ішінде демотик жазуын еркін меңгеріп алды. Ол университетті 1911 жылы бітіріп, ғылыми жұмысын сонда жалғастырды, ал 1913 жылы Адольф Эрманның жетекшілігімен египет тілін терең зерттеу үшін Германияға барды. 1916 жылы Ресейге оралғаннан кейін ол Петербург университетінде приват-доцент болып қабылданып, 1920 жылы профессор болды. 1918 - 1933 жылдары Эрмитаждың Мысыр өнері мен мәдениеті бөлімін басқарды. Университетте лекторлық қызметте жүріп-ақ ол орыс семиттанушысы академик Павел Коковцовтың жетекшілігімен аккад тілін, көне еврей тілін және басқа семит тілдерін үйрене бастады. Шумер тілін ол өз бетімен үйреніп, меңгеріп алды.

1937 – 40 жылдары КСРО Ғылым Академиясының Этнография институтының, 1941 – 50 жылы КСРО ғылым академиясының Шығыстану институтының директоры, 1959 жылдан осы институттың (1960 – 69 жылы Азия халықтары институты) ежелгі шығыс бөлімінің меңгерушісі, Ленинград (Санкт-Петербург) мемлекеттік университетінде ежелгі шығыс кафедрасының меңгерушісі болды. Ол ежелгі Грекия, Мысыр, Шумер, Вавилон, Ассирия, Урарту, Иран, Палестина, Кіші Азия, Солтүстік Қара теңіз жағалауы және Орталық Азияның тарихы мен мәдениеті жөнінде көптеген зерттеулер мен оқулықтар жазды. Ленин, Еңбек Қызыл Ту ордендерімен марапатталған.

Шығармалары[өңдеу]

  • История древнего Востока. М., 1941;
  • О гуманности хетских законов // “Вестник Древней истории” 1947, ғ4.;
  • Наемный труд и сельская община в южном Междуречье в конце 3 тыс. до н.э., // “Вестник Древней истории”, 1948, ғ3.

Әдеб.: Список трудов В.В. Струве, Древний мир, М., 1962; 80 лет со дня рождения В.В. Струве, Л., 1969.[1]

Дереккөздер[өңдеу]

  1. Қазақ энциклопедиясы