Василий Григорьевич Нелюбов

Уикипедия — ашық энциклопедиясынан алынған мәлімет
Jump to navigation Jump to search

Василий Григорьевич Нелюбов (9.5.1914, Қостанай облысы, Әулиекөл ауданы, Новонежинка ауылы - 18.3.1945, Польша, Глубнище қаласының маңы, Шенбрунн ауылы) - 2-дүниежүзілік соғысқа қатысушы, кіші лейтенант, танк командирі, орыс.

1930 жылы Нелюбовтың отбасы Ставрополь өлкесі Александров ауданы, Кругломесское ауылына көшті. Селода шофер болып жұмыс істеді. Майданға 1941 жылы жіберілді. 1944 жылы Камышин танк училищесін бітірді. 1-Украина майданы 31-танк корпусы 242-танк бригадасында танк командирі болды. 1945 жылдың 16 наурызында Польшаның Ратибор (Рацибуж) қаласынан Солтүстік-батысқа қарай 20 шақырым жердегі Аутишкау кентіне, жау қорғанысына баса көктеп кіріп, 2 шабуылдаушы және 2 танкіге қарсы зеңбіректі жойды. 1945 жылдың 18 наурызында Леобшют қалсының маңында (Польша, Глубнише қаласы) жау әскері 8 ауыр танкіні ұрысқа қосты. Нелюбов осы ұрыста қаза болды. КСРО Жоғарғы Кеңесі Төралқасының Жарлығымен Нелюбовқа Кеңес Одағының Батыры атағын берді (29.6.1945).[1]

Дереккөздер[өңдеу]

  1. Айбын. Энциклопедия. / Бас ред. Б.Ө.Жақып. - Алматы: «Қазақ энциклопедиясы», 2011. - 880 бет. ISBN 9965-893-73-Х