Василий Сафронович Афанасьев

Уикипедия — ашық энциклопедиясынан алынған мәлімет
Jump to navigation Jump to search

Афанасьев Василий Сафронович (19.6.1923, Қостанай облысы Қостанай ауданы Затобол кенінде 1988) — екінші дүниежүзілік соғысқа қатысушы, гвардия аға сержанты, зеңбірекшілер расчетінің командирі. Орыс.

Кеңес әскері қатарына 1942 жылдың наурыз айында Қостанай ауданы әскери комиссариатынан шақырылды. Воронеж, Киев, Термополь, Перемышль қалалары және Корсунь-Шевченко, Сандомир плацдармындағы шайқасқа қатысты. 1-Украина майданы 10-гвардиялық танкіге қарсы ататын артиллериялық бригаданың 235-гвардиялық танкіге қарсы ататын артиллериялың полкі зенитшілер расчетінің командирі Афанасьевтің зенитшілері 7 жау танкісін, 10 пулемет нүктесін, жүзден астам әскерлер мен офицерлерін жойды. 1943 жылдың 24 қаңтарында оның зенитшілер тобы Эйхенрид елді мекенінің (Польша) жанындағы Одер (Одра) өзенінен өтті. Плацдарм үшін болған түнгі шайқаста жаудың 4 пулеметін жойды. КСРО Жоғары Кеңесі Төралқасының Жарлығымен Афанасьевке Кеңес Одағының Батыры атағы берілді (10.4. 1945).

Соғыстан кейін Афанасьев Қостанай облысы Ішкі істер басқармасында қызмет істеді.

Ленин, 1-дәрежелі Отан соғысы, «Қызыл Жұлдыз», 3-дәрежелі Даңқ ордендерімен, медальдармен марапатталған.[1]

Дереккөздер[өңдеу]

  1. Айбын. Энциклопедия. / Бас ред. Б.Ө.Жақып. - Алматы: «Қазақ энциклопедиясы», 2011. - 880 бет.ISBN 9965-893-73-Х