Василий Тарасович Шевченко

Василий Тарасович Шевченко (22.12.1921 жыл, Қостанай облысы, Қостанай ауданы, Владимировка кенті) - мемлекеттік қайраткер.

С.М. Киров атындағы Қазақ мемлекеттік университетін бітірген (1958), заңгер. «Отанды аялаңдар» кітабының авторы (2000).

1940 жылдан – мұғалім; Қызыл әскерінің қатарында қызметте, ҰОС ардагері. 1942 жылдан – Затобольск аудандық атқару комитетінің бөлім бастығы. 1943 жылдан – Қостанай облысы бойынша МҚМБ аға жедел өкілі. 1949 жылдан – Жамбыл облысы бойынша МҚКБ бастығының орынбасары. 1955 жылдан – СҚО бойынша МҚКБ бастығы. 1961 жылдан – Тың өлкесі бойынша МҚКБ бастығы. 1965 жылдан – ҚазКСР МҚК төрағасының орынбасары. 1970 жылдан - Тәжік КСР МҚК төрағасы. 1975 жылдан – ҚазКСР МҚК төрағасы. 1982 жылдан - КСРО МҚК Жоғары курстарының бастығы (Алматы қаласы).

1989 жылдан – еңбегі сіңген демалыста. 8-ші сайланған Тәжік КСР Жоғарғы Кеңесінің депутаты. 9-10-сайланған КСРО Жоғарғы Кеңесінің депутаты.

Қазан Революциясы, Жауынгерлік Қызыл Ту, Еңбек Қызыл Ту, «Құрмет белгісі» ордендерімен, көптеген медальдармен, ҚазКСР және Тәжік КСР Жоғарғы Кеңестерінің құрмет грамоталарымен марапатталған. КСРО МҚК Құрметті қызметкері.

Қызметінен босатылған генерал-лейтенант.

Үйленген. Жұбайы – Шевченко Екатерина Фоминична, зейнеткер. 2 баласы, 3 немересі мен 5 шөбересі бар.