Везалий

Везалий

Везалий (Vesalius) Андреас (1514-1564 ж.ж.) - морфологияның, оның ішінде анатомия ғылымының негізін қалаған "Қайта өрлеу" дәуірінің майталман табиғаттану зерттеушісі, Падуан университетінің профессоры, анатомиялық әдістерді пайдаланып, адам организмін алғашқы зерттеген ғалымдардың бірі. А. Везалий адам организмі мүшелері мен мүшелер жүйелерінің құрылысын жете зерттеп, "Адам денесінің қүрылысы туралы" жеті томдық еңбек жазған (1543 ж.).

Бұл еңбегінде А. Везалий анатомиялық зерттеу әдістері мен морфологиялық номенклатураны жаңа бағытта қалыптастыруға айрықша көңіл бөліп, өзіне дейінгі ғалымдардың морфологиялық зерттеулерде жіберген қателерін жөндеген ғұлама. Ол, әсіресе, өз зерттеулері негізінде К. Галеннің қалыптасқан көзқарастарына түбегейлі өзгерістер енгізді.

Медицинаға қосқан үлесі

Андреас (Андрос) Везалий - ғылыми анатомияның негізін салған ғалым, Италиядағы Падуан университетінің профессоры. Мәйіттермен жеке бақылаулар жүргізіп, 7 кітаптан тұратын «Адам денесінің құрылысы туралы» (1543) еңбек жазған. Бұл еңбегінде ғалым қаңқа, сіңір, бұлшықеттер, Қантамырлар, жүйкелер, ішкі мүшелер, ми мен сезім мүшелерін жүйелеген. А. Везалийдің көптеген зерттеулері мен еңбектері анатомияның дамуына айтарлықтай септігін тигізді. Сондықтан да оны анатомия ғылымының негізін салушы ғалым деп орынды атайды.