Веналық синус

Веналық синус (sinus venosus) — омыртқалы жануарлар жүрегінің жүрекшеге ашылатын, жұқа қабатты артқы бөлігі. Ол веналық қанды жинап, оны жүрекшеге бағыттап айдайтын қойнау тәрізді құрылым болып табылады.

Веналық синус барлық омыртқалы жануарлардың ұрықтарында болады. Ересек күйінде ол дөңгелекауыздыларда, балықтарда және қосмекенділерде жақсы дамыған күйде сақталады. Бауырмен жорғалаушыларда веналық синус қатты редукцияға ұшыраған, ал гаттерияда (туатарада) салыстырмалы түрде жақсы сақталған. Құстар мен сүтқоректілерде веналық синус дербес анатомиялық құрылым ретінде болмайды, оның элементтері жүрекшенің құрамына қосылып кеткен. Көптеген омыртқасыз жануарларда веналық синус қызметін ішкі мүшелер арасын қанмен толтыратын кеңістіктер — веналық лакуналар атқарады.