Венаны алғаны үшін медалі
| Венаны алғаны үшін | |
|---|---|
| Capture of Vienna OBVERSE.jpg | |
| Мемлекет |  КСРО
|
| Түрі | Медаль |
| үшін марапатталады | Вена қаласындағы шайқастарға қатысуы үшін |
| Жағдайы | берілмейді |
| Алғашқы иегері | 9 маусым 1945 |
| Жоғары марапаты | «Кёнигсбергті алғаны үшін» медалі |
| Төменгі марапаты | «Берлинді алғаны үшін» медалі |
«Венаны алғаны үшін» медалі — Ұлы Отан соғысы барысында Венаны алу құрметіне 1945 жылғы 9 маусымда КСРО Жоғарғы Кеңесі Президиумының Жарлығымен тағайындалған медаль.[1]
Медаль туралы ереже
[өңдеу | қайнарын өңдеу]«Венаны алғаны үшін» медалімен Қызыл Армияның, Әскери-Теңіз Флотының және НКВД әскерлерінің әскери қызметшілері — 1945 жылғы 16 наурыз бен 13 сәуір аралығында Венаны шабуылдау мен алуға тікелей қатысқандар, сондай-ақ осы қаланы алу кезіндегі жауынгерлік операцияларды ұйымдастырған және басқарған тұлғалар марапатталады.
«Венаны алғаны үшін» медалі кеуденің сол жағына тағылады және КСРО-ның басқа медальдары болған жағдайда «Кёнигсбергті алғаны үшін» медалінен кейін орналастырылады.
1995 жылғы 1 қаңтардағы жағдай бойынша «Венаны алғаны үшін» медалімен шамамен 277 380 адам марапатталған.
Медальдің сипаттамасы
[өңдеу | қайнарын өңдеу]«Венаны алғаны үшін» медалі жезден жасалған және диаметрі 32 мм болатын дұрыс дөңгелек пішінді. Медаль жобасының авторы — суретші Зворыкина.
Медальдің алдыңғы бетінде: ортасында «ЗА ВЗЯТИЕ ВЕНЫ» деген жазу, жоғарғы бөлігінде бесбұрышты жұлдызша, төменгі бөлігінде лавр бұтағы бейнеленген. Алдыңғы беті жиекпен қоршалған.
Медальдің артқы бетінде Венаның алынған күні — «13 апреля 1945» деген жазу бар, күннің үстінде бесбұрышты жұлдызша орналасқан.
Дереккөздер
[өңдеу | қайнарын өңдеу]- ↑ Соғысты-тарихи журнал, 205 б., Шуняков.