Вениамин Васильевич Солдатенко

Солдатенко Вениамин Васильевич (4.1.1939 жылы туған, Солтүстік Қазақстан облысы Аққайың ауданы бұрынғы Шнуровка ауылы) – жеңіл атлет, спорттық жаяу жарыстан КСРО-ның еңбек сіңірген спорт шебері (1976).

Қазақстанның және халықаралық турнирлердің жеңімпазы. 50 км қашықтыққа спорттық жаяу жарыстан жеті дүркін КСРО чемпионы (1967, 1969 – 72, 1975 – 76) және қола жүлдегері (1973 – 74). Еуропа чемпионы (1971, Финляндия, Хельсинки), қола (1969, Афины, Грекия), күміс (1978, Прага, Чехия) жүлдегері. Әлем чемпионы (1976, Швеция, Мальме). 20-Олимпия ойындарының күміс жүлдегері (1972, Германия, Мюнхен).

“Құрмет белгісі” орденімен және медальдармен марапатталған.