Вениамин Михайлович Милецкий

Уикипедия — ашық энциклопедиясынан алынған мәлімет
Jump to navigation Jump to search

Вениамин Михайлович Милецкий (23.10.1918, Алматы облысы, Қарасай ауданы, Қаскелең қаласы - ө.ж.б.) — 2-дүниежүзілік соғысқа қатысушы, ұшқыш, эскадрилья командирі, капитан, орыс.

1935 жылға дейін Алматы қаласының №15 орта мектебінде оқыған. Жер пайдалануды тәртіпке келтірушілер курсын бітіргеннен кейін Шығыс Қазақстан облысы Зайсан ауданында топограф қызметін атқарған.

1938 жылы Семей тау-кен жұмысшы факультетін тәмамдады. 1939 жылы Кеңес әскері қатарына шақырылып, Кеңес-фин соғысына (1939-40) қатысқан. Ташкент әскери авиация мектебін бітірген (1941). 1941 жылдың қазан айынан 2-Прибалтика майданына қарасты 15-әуе армиясы 188-бомбалаушы авиация дивизиясы 373-бомбалаушы авиация полкі құрамында Ұлы Отан соғысына қатысқан. 1941 жылдың 3 қазанынан 1945 жылдың наурызына дейін Милецкий жаудың соғыс нысандарына, адам күші мен техникасына 97 900 кг бомба тастады. 305 рет жауынгерлік ұшу сапарына шығып, жаудың 2 батареясын, 35 автокөлігін, 1 жанармай қоймасын, аэродромда тұрған 3 ұшағын талқандап, 17 дзотты, 3 оқ-дәрі қоймасын, 1 кеме жасау зауытын, 7 темір жолы эшелонын қиратқан. Партизандарға 21 200 кг жүк жеткізіп, ауыр жараланған 242 партизанды «Үлкен жерге» әкелген. Жауынгерлік тапсырмаларды орындағаны үшін Милецкийге КСРО Жоғарғы Кеңесі Төралқасының Жарлығымен Кеңес Одағының Батыры атағы берілді (16.8.1945). 1946 жылы денсаулығына байланысты авиация құрамынан босап, Латвия теңіз флотына ауысты.

Ленин, 2 рет Қызыл Ту, 2 рет 1-дәрежелі Отан соғысы ордендерімен, медальдармен марапатталған.[1]

Дереккөздер[өңдеу]

  1. А 31 Айбын. Энциклопедия. / Бас ред. Б.Ө.Жақып. - Алматы: «Қазақ энциклопедиясы», 2011. - 880 бет. ISBN 9965-893-73-Х