Венчур

Венчур (ағылш. venture – тәуекелшіл кәсіпорын) – тәуекелшіл коммерциялық кәсіпорын; өнімнің жаңа түрлерін жасауға‚ өндірісті игеруге‚ енгізуге‚ жаңа технологияларды қолдануға маманданған шағын коммерциялық ғылыми-техникалық ұйым. Оған тән сипат жаңа енгізілімдерді пайдалану. Ол идеяларды талдап әзірлеуден бастап‚ материалдық тұрғыда іске асыруға дейінгі іспен айналысатын дербес ғылыми-құрастырымдық зертхана болуы да мүмкін. Венчурлік ұйымдардың үш түрі болуы мүмкін‚ олар: корпорациялар‚ серіктес және жеке дара компаниялар. Оларды құру үшін ең алдымен жаңа енгізілім идеяларының (технологияның жаңа жобасының‚ т.б.) болуы‚ жаңа нысанды ұйымдастырып‚ басқара алатын кәсіпкердің болуы‚ капиталдың болуы қажет.