Весли Снейдер

Уикипедия — ашық энциклопедиясынан алынған мәлімет
Jump to navigation Jump to search
Весли Снейдер

Весли Бенжамин Снейдер - Голланд футболшысы. 1984 жылы 9 маусымда Голландияның Утрехт қаласында дүниеге келген. Қазіргі кезде Италияның "Интернационале" клубында ойнайды. 2010 жылы Оңтүстік Африкада өткен әлем чемпионатының күміс жүлдегері.

Өмір жолы[өңдеу]

Весли футболшылар отбасында дүниеге келген: әкесі кәсіпқой футболшы болған, үлкен ағасы Джеффри нидерландтың екінші лигасының «Стормвогел Телстар» клубында ойнайды, кіші інісі де келешекте футболшы болуы мүмкін. Утрехттің тұрғыны бола тұра, Снейдер бірден амстердамдық «Аякстың» жастар академиясына түседі.

Кәсіби мансабы[өңдеу]

Снейдер «Аякс» құрамында тұңғыш рет 2002 жылы 22 желтоқсанда, «Эксельсиорға» қарсы алаңға шығады. Негізгі құрам ойыншыларының көбісі жарақат алуына байланысты Рональд Куман басқаруында болған командаға Снейдер жастар құрамының жаттықтырушысы Данни Блиндтің ұсынысымен енгізіледі. Көп ұзамай Весли команданың негізгі жартылай қорғаушысы орнында бекиді. Өзінің дене әлеуетінің аса мығым болмағандығына қарамай, Снейдер допқа иелік ету үшін күресті жақсы жүргізіп, екі аяғымен де допты күшті соға біледі. Пас бергенде де шеберлік танытады. 2006/07 Нидерланд чемпионатында ол 18 доп соқты. Олардың көбісін Снейдер айып соққыларынан қақпаға енгізген.

2007 жылы 12 тамызда «Корольдік клубтан» түскен ұсыныстардан кейін «Аякс» басшылығы Снейдерді 27 млн. еуроға мадридтік «Реалға» сатуға шешім қабылдайды. Осылайша Снейдер голланд футболшыларының арасында сомасына қарай «Манчестер Юнайтедпен» 30 млн. еуроға бағаланған Рууд ван Нистелройдан кейін екінші ойыншы атанды. Сол кезде «голландтандыру» үрдісін өткеріп жатқан «Реал» тағы да қызғалдақтар елінің екі футболшысын, Ройстон Дренте мен Арьен Роббенді сатып алған болатын. «Реал» Мадрид сапындағы алғашқы ойнында Весли «Атлетикоға» қарсы мадридтік дербиде жеңіс голын соққанмен көріне алды. Ал, келесі «Вильярреалмен» кездесуде ол екі мәрте өз фамилиясын таблоға жаздыртады.

Қазіргі кезде Снейдер «Интердің» көшбасшы ойыншыларының біріне айналды.


Голландия құрамасы[өңдеу]

Нидерландтар құрамасының беткеұстар футболшылары: Снейдер (оң жақта) мен Роббен

Нидерландтар Нидерланд құрамасында Снейдер 2003 жылдың сәуір айында Португалияға қарсы тұңғыш рет оранж түсті жейдені киеді. Қазіргі бас бапкер Берт ван Марвейкке дейін «ораньелерді» басқарып келген Марко ван Бастен жас Веслиге үнемі команда құрамынан орын беріп, сенім білдіріп отырды. Голландтықтар сапында Снейдер 2006 жылғы Әлем чемпионаты мен 2008 жылғы Еуропа чемпионатында ойнады. Беатрикс патшайымы мен оның азаматтары 2010 жылғы мундиальде күміс медальдарды олжалады.