Виктор Алексеевич Абгольц

Уикипедия — ашық энциклопедиясынан алынған мәлімет
Jump to navigation Jump to search
Виктор АбгольцФутбол
Жалпы мағлұмат
Толық аты Виктор Алексеевич Абгольц
Туған күні 15 наурыз 1944(1944-03-15)
Тобыл кенті, Қостанай облысы, Қазақ КСР
Қайтыс болған күні 26 қыркүйек 2017(2017-09-26) (73 жас)
Алматы, Қазақстан
Азаматтығы
Карьера
Клуб карьерасы*
1962—1963 КСРО Шахтёр 17 (11)
1964 КСРО Кайрат 22 (1)
1965—1967 КСРО Шахтёр 107 (34)
1968-1971 КСРО Қайрат 110 (30)
1972—1974 КСРО Шахтёр 97 (36)

* Кәсіби клубтарда соққан голдары мен ойындары тек әртүрлі ұлттық лига чемпионаттарында ғана саналады.


Виктор Алексеевич Абгольц (1944ж.т) — кеңес футболшысы, «Қайрат», «Шахтер» командаларының шабуылдаушысы,КСРО шебері.

Өмірбаяны[өңдеу]

Еңбек жолының басталуы[өңдеу]

Виктор Алексеевич Абгольц – 1944 жылы Қостанай облысы, Тобыл стансациясында дүниеге келген. Оның отбасы бұл жаққа күштеп қоныс аударылған болатын. Кейіннен Қарағанды қаласына отбасымен 1948 жылы көшіп келген. Виктордың үлкен ағасы Леонид Абгольц 1950 жылдары «Шахтер» сапында өнер көрсеткен. Ал өзі футболға шындап 14 жасынан бастап ден қояды. Алғашқы бапкері Христофор Газелеридиден футболдың қырын-сырын үйренеді. Кейіннен Андрей Гумировтің тобына жазылып, футболшы ретінде әріқарай шындала түсті. Осы жылы Бүкіл одақтық оқушылар спартакиадасына қатысады. Елдің бәрін таңқалдырып, Абгольц ойнайтын Қазақстан құрамасы бірінші рет он бес одақтас республикадан келген команданың ішінде үшінші орынға қол жеткізеді. Бұл үлкен жетістік болатын.

Футболдағы карьерасы[өңдеу]

1962 жылы Абгольц «Шахтермен» КСРО чемпионатының «Б» тобында чемпион атанады. Кеншілер осыдан кейін «А» тобына жолдама алады. «Шахтер» сапындағы сол кездегі 18 жастағы жас ойыншыны алматылық «Қайрат» өздеріне шақырады. Бірақ «Қайрат» сапында тек бір маусымды өткізді. Тәжірбиелі ойыншылармен қатар бір командада өнер көрсету жас футболшыға қиынға түсті. Команда каптитанымен келіспей, «Шахтерге» оралуды жөн санапты. Қарағандыға оралған соң, «Шахтердің сапында үш маусымда 107 ойын өткізіп 34 гол соғады. Қайтадан «Қайрат» 1968 жылы екінші рет өз қатарларына шақырады. Бұл кездері «Қайрат» жоғары лигада өнер көрсетіп жүрген болатын. Келген жылы тоғыз гол соғып, команданың бас мергені атанады. Бірақ Абгольцтың тоғыз голы да «Қайратты» жоғары лигада сақтап қалмады. Дегенмен келесі жылы «Қайрат» қайтадан жоғары лигаға оралды. Ал 1971 жылы «Қайрат» өз тарихында алғаш» халықаралық теміржолшылар одағының кубогын ұтып алды.Бұл кубокты ұтып алуда шабуылшы Абгольцтың еңбегі зор болған. «Қайраттың» сапында өткізген үш маусымда ол 110 ойында 30 рет қаншығасын майлайды. Кейіннен жол апыратына ұшырап, миы шайқалғаннансоң негізгі құрамда сирек көріне бастайды. Осылайша командадан кетіп,1972 жылы қайтадан өзінің бұрыңгы клубына оралады. 1973 жылғы маусымда «Шахтер» бірінші лигада жоғары нәтиже көрсете алмай екінші лигаға жол тартады. Абгольц осылайша соңғы маусымын екінші лигада өткізіп, бутсысын шегеге іледі.

Тренерлік карьерасы[өңдеу]

1973жылы футболдағы карьерасынан кейін командада қалып Валентин Гроховской бапкердің көмекшісі болып жұмыс істеді.

Судья карьерасы[өңдеу]

1975 жылдан бастап төрешілікке бет бұрады, 1980 жылы бүкіл одақтық төреші дәрежісін иемденеді. 1990 жылдан бастап ҚФФ-ның төрешілер комитетінің мүшесі.

Футболдағы жетістігі[өңдеу]

Виктор Абгольц футболшы ретінде жоғары лигада 95 ойында 14 гол соққан, ал бірінші лигада барлығы 230 ойында 81 голды қарсыластардың қақпасына тулатқан. Екінші лигада 34 ойын өткізіп, 21 гол еңгізді. Ал жалпы 359 ойында 116 гол соққан. Ол сондай-ақ «Қайрат» сапындағы алғашқы хет-трихтың авторы, Кировабадта өткен ойында «Динамо» қақпасына үш доп соққан болатын. Екінші хет-тригін донецкінің «Шахтеріне» қарсы ойында орындады. КСРО кубогының 1/8 финалында мәскеудің «Динамосына» алтын допты алған жер бетінде алғашқы атақты қақпашы Лев Яшиннің қақпасына гол соққан болатын.

Виктор Абгольц футболдық жолында тек екі команда құрамында ғана өнер көрсеткен, «Шахтердің сапында ең көп ойын өткізген Он футболшының, мергендер көшінде үздік бестіктің қатарында. Сондай-ақ төрешілік қызметте де үлкен жүмыс атқарды. Қазақ футболының дамуына өз үлесін қосқан шабуылшы, «Қазақстанның үздік 100 футболшысы » қатарынан ойып орын алатыны анық.

Кешегі Кеңес үкіметі кезінде елімізде «Қайраттан» кейін танымал командалардың бірі қарағандылық «Шахтер» болды. Сол «Шахтер» мен қазақ футболының флагманы болған «Қайраттың» қатарында өнер көрсеткен үздік шабуылшы– Виктор Абгольц.

Отбасылық жағдайы[өңдеу]

Үйленген. Баласы Олег Абгольц кезінде Алматының «Локомотивы» сапында өнер көрсеткен, кейіннен Германияға көшіп, сондағы шағын футбол клубтарында ойнаған.