Виктор Иванович Шишлянников

Шишлянников Виктор Иванович (1923, Ресей, Волгоград облысы Дубовка қаласы– 1954, Волгоград қаласы) – соғыс ардагері. Кеңес Одағының батыры (1943).

1942 жылдан Кеңес Армиясы қатарында. Пенза артиллерия училищесін бітірген (1945). 1931 жылдан Қазақстанда тұрды. Шортанды жиһаз фабрикасында жұмыс жасады (1938 – 42). 2-дүниежүзлік соғыс жылдары Киев облысы Гребени селосы төңірегінде Днепр өзенінен өту кезінде ерлік жасады.

Орден, медальдармен марапатталған. Дубовка қаласындағы көшеге, саябаққа Шишлянников есімі берілді. Туған үйіне және Шортанды қаласындағы жиһаз ф-касы ғимаратына ескерткіш тақта орнатылды.