Вильгельм Стейниц

Вильгельм Стейниц (нем. Wilhelm Steinitz, ағылш. William Steinitz, 14 мамыр 1836 ж., Аустрия Империясы, Прага — 12 тамыз 1900 ж., АҚШ, Нью-Йорк) — шахматтан әлемнің тұңғыш чемпионы (1886 — 1894). Шахмат ойнауды алты жасында үйренді. 1861 жылы Вена шахмат клубы қоғамы өткізген турнирде 31 мүмкіндіктен 30 ұпай жинап, бас жүлдені иемденді. Стейниц 1866 жылы Дублин, Лондон қалаларында өткен халықар. турнирлерде бірінші орынға шықты. Сол жылы ағылшындық шебер А.Андерсенді 8:6 есебімен ұт-ты. 1873 жылы Вена қаландағы халықар. турнирде Стейниц тағы да жеңіске жетті. Ол 1873 — 1883 жылдар аралығында «Филд» журналында шахмат бөлімін жүргізді. 1883 жылы Лондонда сол кездегі әлемнің ең мықты шахматшыларының турнирінде И.Цукертот бірінші, Стейниц екінші орынды алды. 1885 жылы Стейниц әлем чемпионы атағы үшін Цукертотты матчқа шақырды. Бұл турнир 1886 жылы АҚШ-та өтті. 12,5:7,5 есебімен жеңіске жеткен Стейниц әлемнің тұңғыш чемпоны атанды. 1890 жылы АҚШ-қа қоныс аударып, 1885 – 91 жылдар аралығында «Интернэшнл чесс мэгезин» журналын шығарып, шахмат ойынының таралуына айтарлықтай үлес қосты. Ол төрт рет әлем чемпионы атағын сақтап қалды. 1889 – 92 жылы орыс шахматшысы Чигоринді, 1890 жылы америкалық И.Гунсбергті ұт-ты. Бірақ 1894 жылы Эмануил Ласкермен кездесуінде сәтсіздікке ұшырады.<