Владимир Алексеевич Колесников

Уикипедия — ашық энциклопедиясынан алынған мәлімет
Навигацияға өту Іздеуге өту

Владимир Алексеевич Колесников (13.9.1924 жылы туған, Шығыс Қазақстан облысы, Глубокое ауданы, Багратионовка селосы- 28.09.2003, Ломоносов) - 2-дүниежүзілік соғысқа қатысушы, лейтенант, зеңбірек батареясының командирі.

Мектептен кейін фабрика-зауыт мектебін бітіріп, шахтада жұмыс істеді. 1942 жылы тамыз айында Кеңес әскері қатарына шақырылып, Самарқанд қаласындағы (Өзбекстан) танк училищесіне жіберілді. 1944 жылы мамыр айында майданға аттанды. Колесников Беларусь майданында болып, Витебск мен Орша, одан кейін Минск қалаларын азат етуге катысты. 1944 жылдьң 16 тамызында 45-атқыштар корпусы жауынгерлерінің алдында 9 шақырым жерде шекара жатты. Жау осы жерде күштерін шоғырландырды. Колесников қызмет атқарған батарея жаудың барлық шабуылына тойтарыс беріп, оны кейін ысырып тастауға бұйрық алды. Келесі күні таңертең жау Кеңес әскері позицияларына артиллерия мен минометтен оқ боратты. Неміс танкілері мен өздігінен жүретін зеңбіректері тоскауыл шебін бүзып, Кеңес әскерінің қорғаныс шебіне 400-500 м жерге жақындап келді. Колесников жауынгерлері орманнан шыққан жау танкілеріне оқ жаудырып, оларды шетінен жоя бастады. Кенет экипаж үстінен снаряд жарылып, нысанашы құлады. Нысанашының орнына Колесников өзі тұрып, жаудың тагы да бірнеше техникасын жойып үлгерді. Осы ұрыста Колесниковтың экипажы жаудың 9 танкісін, 12 пулеметін және 300-ден астам әскерлері мен офицерлерін жойды. Ол соғысты Прага қаласында (Чехия) аяқтады.

Осы көрсеткен ерліктері үшін Колесниковқа КСРО Жоғарғы Кеңесі Төралқасының Жарлығымен Кеңес Одағының Батыры атағы берілді (24.3.1945). Ленин, 2 рет 1-дәрежелі Отан соғысы, «Қызыл Жұлдыз» ордендерімен, медальдармен марапатталды.

Соғыс аяқталған соң да әскери қызметін жалғастырды. 1974 жылы подполковник Колесников запасқа шығып, Ленинград облысы, Ломоносов қаласында тұрды.[1]

Дереккөздер[өңдеу | қайнарын өңдеу]

  1. А 31 Айбын. Энциклопедия. / Бас ред. Б.Ө.Жақып. - Алматы: «Қазақ энциклопедиясы», 2011. - 880 бет. ISBN 9965-893-73-Х