Владимир Владимирович Тузиков

Уикипедия — ашық энциклопедиясынан алынған мәлімет
Jump to navigation Jump to search

Тузиков Владимир Владимирович (8.2.1951 жылы туған, Қытай, Құлжа қаласы) – әскери қайраткер, генерал-майор (1995).

Қырғыз Мемлекеттік университетін (1973), Алматы жоғары жалпы әскери командалық училищесін (1977), Тыл және көлік әскери академиясын (1986) бітірген. Әскери қызметті Ақтөбе қаласы әскери комиссариатының бөлімше бастығының көмекшісі болып бастады. (1973 – 77). Орта Азия және Түркістан әскери округтерінде тыл қызметі лауазымдарында қызмет етті (1977 –91). Қазақстан тәуелсіздік алғаннан кейін армия қолбасшысының тыл жөніндегі орынбасары және Бас штаб бастығының тыл жөніндегі орынбасары болып (1992 – 99) қызмет атқарды. 2003 жылы Оңтүстік әскери округі әскерлері қолбасшысының тыл жөніндегі орынбасары болып тағайындалды. 2004 жылы “Оңтүстік” өңірлік әскері қолбасшысының тыл жөніндегі орынбасары – тыл басқармасының бастығы қызметін атқарды. 2005 жылдан демалыста. Тузиков бірнеше медальдармен марапатталған.[1]

Дереккөздер[өңдеу]

  1. «Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, VIII том