Владимир Георгиевич Григорян

Уикипедия — ашық энциклопедиясынан алынған мәлімет
Jump to navigation Jump to search
Владимир Георгиевич Григорян
Туған күні

27 желтоқсан 1961(1961-12-27) (57 жас)

Туған жері

Баку, Әзірбайжан КСР, КСРО

Азаматтығы

 Қазақстан
 Кеңестік Социалистік Республикалар Одағы (1961-1991)

Жанры

кескіндеме, графика, керамика

Владимир Георгиевич Григорян (1961 жылы 27 желтоқсанда Әзірбайжан КСР Баку қаласында туған) - кеңес және қазақстандық суретші.

Өмірбаяны[өңдеу]

Абай атындағы Қазақ мемлекеттік педагогикалық институтының көркемсурет-графика факультетін (1990) бітірген, сызу және сурет пәнінің мұғалімі.

1980 жылдан - Баку мемлекеттік циркінің әрлеуші суретшісі.

1990 жылдан - Ақтау қаласының 2-автокөлікті механикаландыру басқармасының әрлеуші суретшісі.

1996 жылдан - Ақтау өнер колледжінің оқытушысы. 2000 жылдан - Алматы қаласындағы №83 өнер мектеп-гимназиясының бейнелеу енері пәнін оқытушысы.

2009 жылдан бері - «Сымбат» бизнес және сән академиясындағы «Сурет және кескіндеме» кафедрасының оқытушысы.

Шығармалары мен еңбектері[өңдеу]

«Каталон готикасындағы витраж» мақаласының авторы («Индустрия дизайна и технологии» журналы, №3, 2009). Бейнелеу өнерінің түрлері-кескіндеме, графика, керамика. «Жаңа күн» (1998), «Давид пен Саул» (2000), «Кездесу» (2001), «Мереке» (2005), «қанат сыбдыры» (2007), «Есіктер» (2008), «Қақпа алдында» (2009) шығармаларының авторы.

Жеке көрмелерін өткізген: Ақтау қаласының облыстық көрме залында (1992, 1994); «Пространство, лишенное тверди» («Тенгри-Умай» галереясы, 1996); Anno Domini («Тенгри-Умай» галереясы, 1999); «Слово к Богу из глубин сердца» («Ковчег» галереясы, Ақтау қ., 1999); The light of the world (АҚШ, 2000); «Соприкосновение» («Ковчег» галереясы, Ақтау қ., 2001); «Эдемдегі серуендер» («Тәңірі-Ұмай» галереясы, 2003); «Бастау» («Ковчег» галареясы, Ақтау қаласы, 2005); «Бесінші күн» («Вояджер» галереясы, Алматы қаласы, 2006); «Бірге» (Невзоровтар атындағы бейнелеу өнерінің мұражайы, Семей қ., 2006; «Арвест» галереясы, Алматы қаласы, 2008); En el principio (Барселона қаласы, Испания, 2008; Тосса де маар қаласы, Испания, 2009).

Шығармалары отандық және шетелдік көрмелерге қойылуда (1990 жылдан): Ә. Қастеев атындағы Мемлекеттік өнер мұражайында (2000, 2001); «Саяхатқа сүйіспеншілікпен» халықаралық жобасында (Ақтау қ., 2003); «Түпсіз Азия көгінің астында» халықаралық ленд-арт жобасында (Есік қаласы, 2005); Salle Augustin - chenier халықаралық миниатюра биенналесінде (Канада, 2006); Алматы қаласының Орталық керме залында (2006, 2008) және т.б. Еңбектері Қазақстан, Ресей, АҚШ, Англия, Швеция, Венгрия, Израиль, Австралия, Түркияның коллекцияларында сақталуда.

Марапаттары мен атақтары[өңдеу]

ҚР Суретшілер одағының мүшесі. ҚР Білім беру саласының Құрметті қызметкері (2006). Дипломдармен және грамоталармен марапатталған.

Жеке өмірі[өңдеу]

Ұлты - Армян.

Әкесі - Григорьян Георгий Макиевич. Анасы - Григорьян Мария Тадевосовна.

Үйленген. Жұбайы - Григорьян Елена Суреновна, суретші, педагог. Қызы - Григорьян Эльвира Владимировна, дизайнер.[1]

Дереккөздер[өңдеу]

  1. Қазақстан Республикасында кімнің кім екені. Екі томдық анықтамалық. Алматы, 2011 жыл. ISBN 978-601-278-473-2