Владимир Петрович Бондаренко
Владимир Петрович Бондаренко (2.2.1950, Жамбыл облысы Меркі ауданы) — әскери қызметкер, генерал-майор (1997).
Әуе шабуылына қарсы қорғаныс әскерінің Житомир жоғары радиотехникалық училищесі жанындағы орта радиотехника училище бағдарламасы бойынша 3 жылдық курсты (1970), Әуе шабуылына қарсы қорғаныс әскерінің Ленинград әскери жоғары саяси училищесін (1978), Мәскеудегі Әскери-саяси академияны (1984) бітірген. КСРО Әуе шабуылына қарсы қорғаныс әскері жүйесіндегі радиотехникалық, зенитті-ракеталық полктерде саяси-ұйымдастыру жұмыстарында болған. 1993 ж 19 наурызда Қазақстан Қарулы Күштері Әуе шабуылына қарсы қорғаныс әскері қолбасшысының орынбасары, әрі Әуе шабуылына қарсы қорғаныс әскері басқармасы тәрбие және әлеуметтік-құқықтық жұмыстар жөніндегі бөлімінің бастығы болып тағайындалды. 1998 жылдан Әуе қорғаныс күштері қолбасшысының тәрбие және әлеуметтік-құқықтық жұмыстар жөніндегі орынбасары.
Орден, медальдермен марапатталған. [1]
Дереккөздер[өңдеу | қайнарын өңдеу]
- ↑ «Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 жыл, ISBN 5-89800-123-9, II том
 | Бұл мақалада еш сурет жоқ.
Мақаланы жетілдіру үшін қажетті суретті енгізіп көмек беріңіз. Суретті қосқаннан кейін бұл үлгіні мақаладан аластаңыз.
|