Владимир Яковлевич Угренинов

Владимир Яковлевич Угренинов (1.01.1941 жыл, Алматы- 22.09.2016) - Қазақстанның еңбек сіңірген жаттықтырушысы. Орыс.

Өмірбаяны

• Қазақ мемлекеттік дене шынықтыру институтының спорт факультетін бітірген (1962), күрестен жаттықтырушы-оқытушы.
• Қазақ спорт және туризм академиясының Қүрметті профессоры (2001).
• 1962 жылдан - «Қайрат» ерікті спорт қоғамы орталық және облыстық кеңестерінің аға жаттықтырушысы (Алматы).
• 1968 жылдан - ҚазКСР ұлттық құрама командасының жаттықтырушысы.
• 1992 жылдан - «Қайрат» ЕСҚ орталық кеңесінің төраға орынбасары.
• 1994 жылдан - Алматы облысы әкімшілігінің Жастар ісі, туризм және спорт басқармасының бастығы.
• 1999 жылдан бері - Республикалық олимпиадалық даярлық орталығы басқармасының төраға орынбасары.

Қоғамдық жұмыстары

• Алматы облыстық Спорттық күрес федерациясының ардагерлер ісі жөніндегі бөлім бастығы, вице-президенті.
• 60-тан астам спорт шеберін, оның ішінде олимпиада чемпионы Ж. Үшкемпіровты тәрбиелеген.
• «Нұр Отан» ХДП мүшесі (1999 жылдан).

Ғылыми жұмыстары

• 100-ден астам мақала мен жарияланым авторы.

Марапаттары

• КСРО спорт шебері (1962).
• ҚазКСР Еңбек сіңірген жаттықтырушысы (1973).
• КСРО Еңбек сіңірген жаттықтырушысы (1980).
• ҚР Еңбек сіңірген қайраткері (1994).
• Алматы облысының Құрметті азаматы (2001).
• «Қажырлы еңбегі үшін» (1978)
• «Еңбек ардагері»
• «Астана»
• «Қазақстан Республикасының тәуелсіздігіне 10 жыл» (2001) медальдарымен марапатталған.

Шендері

• Әскери атағы - отставкадағы капитан.

Отбасы

• Ұлдары - Михаил (1968 ж. т.), Дмитрий (1971 ж. т.).