Владислав Шпильман

Уикипедия — ашық энциклопедиясынан алынған мәлімет
Jump to navigation Jump to search
Владислав Шпильман
Сурет
Негізгі ақпарат
Туған күні

5 желтоқсан 1911(1911-12-05)

Туған жері

Сосновец, Польша Патшалығы, Ресей

Қайтыс болған күні

6 шілде 2000(2000-07-06) (88 жас)

Қайтыс болған жері

Варшава, Польша

Белсенділік жылдары

1930-2000

Мемлекет

Flag of Poland (normative).svg Польша

Мамандықтары

пианошы, композитор

Аспаптары

Фортепианино

Ұжымдары

"Варшава квинтеттері"

Владислав Шпильман (пол. Władysław Szpilman; 5 желтоқсан, 1911 жыл6 шілде 2000 жыл) — поляк компoзиторы, пианино (күйсандық) ойнаудың шебері.

Өмірбаяны[өңдеу]

1911 жылы 5 желтоқсанда Сосновец селосында дүниеге келді[1]. Оның бір ағасы, екі қарындасы болды. Фредерик Шопен атындағы Музыка Университетін тәмамдаған. 1931 жылы Берлин музыкалық академиясының стипендиясын ұтып алды. 1933 жылы билік басына ұлтшыл-фашистер келген соң Польшаға қайтты да, Варшава радиосында қызмет жасады. 1939 жылға дейін фильмдерге симфониялық музыкалар жазумен және пианино ойнаумен айналысты.

1939 жылы Германия Польшаны жаулап алды да, Варшавада күнелту тым қиынға соқты. Владислав жұмыстан шығып қалды. Немістерден қысым көрген оның туыстары, бауырлары, әке-шешесі басқа жаққа қоныс аударды да, Владислав олардан көз жазып, адасып қалады. Кейін белгілі болғандай, ол туыстарын мәңгілікке жоғалтады. Бұл Варшавада қашып-пысып, тығылып күн көреді. Ең соңында күтпеген жерде мұны басқа-басқа емес, неміс офицері Вильгельм Хозенфельд аштықтан құтқарады. Көп ұзамай Кеңес әскерлері келеді де, немістер Варшаваны тастап қашады.

Енді Владислав қайтадан бұрынғы жұмысында, Варшава радиосында қызмет жасай бастайды. Бұл жұмысты 60-жылдардың ортасына дейін атқарады. Өзінің «Жаңбыр», «Ол жылдарды ешкім де қайтара алмайды», «Махаббатсыз бақыт жоқ», «Пабло Пикассоның жұмыс портреті», «Қызыл автобус» (Эдита Пьеха), «Тынық түн», «Уақыт келеді», «Ертең жақсы күн болады» секілді симфониялық шығармаларын жазды. Ол балаларға арнап 50-ден аса ән жазды, көбі радиоқойылымдар мен фильмдерге пайдаланылды.

Соғыстан кейін екінші дүниежүзілік соғыстағы бастан кешкендері жайлы естеліктер жазды. Кейін ол жазғандары Ежи Вальдорфтың әдеби өңдеуімен "Қаланың жер жастануы" деген атпен 1946 жылы басылып шықты. Осы кітаптың желісімен 2002 жылы Роман Поланскидің "Пианист" атты фильмі жарыққа шықты.

Отбасы[өңдеу]

1950 жылы Галина Глежнаровскиге үйленді. Екі ұлдары болды: Кшиштоф және Анджей.

Дереккөздер[өңдеу]

Сілтемелер[өңдеу]