Волын крученигі

Волын крученигі (украин тағамы). Етті жіңішкелеп тілімдеп кеседі де, жақсылап жаншиды. Мұнан соң тұздап, бұрыштап, бұқтырылған капустаның жапырағына орайды да, ұнға аунатып, ерітілген шошқа майына қуырады. Сосын оған аздаған мөлшерде ет сорпасы мен томат-пюре құйыл, қақпағын жабады да, дайын болғанға дейін бұқтырып қояды. Дастарқанға қоярда үстіне бұқтырылған ет сорпасының тұздығын құяды.500 г етке: 1 кг жаңа піскен капуста, 100 г шпик, бір жарым ас қасық бидай ұны, жарты бас пияз, 1—2 ас қасық томат-пюре, 1 —1,5 ас қасық ерітілген шошқа майы, жарты стакан сорпа, құмшекер, тұз, сірке су, ұнтақ қара бұрыш — татымына қарай.