Галактика сақшылары (фильм)

Уикипедия — ашық энциклопедиясынан алынған мәлімет
Jump to navigation Jump to search
Галактика сақшылары
Guardians of the Galaxy
Фильмнің постері
Жанры

фантастика
комедия
шытырман
атыс-шабыс фильм

Режиссёрі

Джеймс Ганн

Продюсері

Кевин Файги
Виктория Алонсо
Джереми Латчем

Сценарийдің авторы

Джеймс Ганн
Крис Маккой
Николь Перлман

Басты рөлдерде

Крис Прэтт
Зои Салдана
Дэйв Батиста
Вин Дизель
Брэдли Купер

Операторы

Бен Дэвис

Композиторы

Тайлер Бэйтс

Кинокомпания

Marvel Studios
Walt Disney Pictures

Ұзақтығы

121мин.

Премьера

Америка Құрама Штаттары 1 тамыз 2014
Қазақстан 31 шілде 2014

Бюджеті

170 млн $

Кассалық түсімі

435 485 000 $

Мемлекет

Америка Құрама Штаттары АҚШ

Тілі

ағылшынша

Шыққан жылы

2014

Келесі фильм

Галактика сақшылары 2

IMDb

ID 2015381

«Галактика сақшылары» (ағыл. Guardians of the Galaxy) — режиссёр Джеймс Ганн түсірген, аттас комикстерге негізделген фантастикалық атыс-шабыс фильм; Marvel кинемотография әлеміндегі "Темір адам", "Ғажайып Халк", "Темір адам 2", "Тор (кино)", "Капитан Америка", "Кекшілдер", "Темір адам 3", "Тор: Түнек әлемі" және "Капитан Америка: Қысқы жауынгер" фильмдерінен кейінгі оныншы фильм болып табылады. Басты рөлдерді Крис Прэтт, Зои Салдана, Дэйв Батиста, сондай-ақ Вин Дизель және Брэдли Купер сомдап, дыбыстаған. "Галактика сақшылары" фильмінің Қазақстан Республикасындагі тұсаукесер күні — 31 шілде 2014 жыл, 3D және IMAX 3D форматтарында өтті.

Сюжеті[өңдеу]

Саяхатшы Питер Квил жұмбақ жәдігерге ие болады. Бұл зат Ғаламды жаулап алуды көздеген Ронан есімді зұлымға тиесілі екен. Питерге бүкіл ғарыш көлемінде іздеу жарияланады. Аман қалудың жалғыз жолы — Роккет есімді жанатпен, адамға ұқсас ағаш хуманоид Грутпен, аса қауіпті Гаморамен және кек жолында жүрген Дракс Қиратқышпен достасу. Енді бүкіл Галактиканың тағдыра осы кейіпкерлердің қолында.

Рөлдерде[өңдеу]

Қазақша дубляж[өңдеу]

Marvel ұсынған «Галактика» сақшылары комедиялық блокбастері 2014 жылы қазақ тіліне аударылған үшінші фильм болып табылады. Бұл туынды «Болашақ» қауымдастығы және «MARWIN» компаниясының тікелей қолқабыс етуімен қазақ тіліне дубляждалған.

"Галактика сақшылары" комедиялық блокбастері жалпы есепте қазақ тіліне аударылған 9 фильм болып табылады. Дубляж жұмыстары киноөнімдерді мемлекеттік тілге дубляждауға маманданған алматылық Cinema Tone Production студиясында өткен. Бұл студия Disney, MARVEL және Sony Pictures студияларының голливудтық жобаларын қазақ тіліне аударуға ресми аккредиттелген болып табылады.

Дубляж режиссёрі[өңдеу]

Дубляж режиссёрі — Тимур Балымбетов. Тимур үшін "Сақшылар" — голливудтық блокбастармен жасаған алғашқы тәжірибесі.

"Рас айтсам, бұл жобаны ал­мас бұрын, біраз жүрексіндім. Десе де, қазір бұл фильмнің қазақ тілінде жарық көруіне ат­салысып жатқаным үшін қуа­намын. Себебі бұл жұ­мыс­тың барлығы ұлттық санамызды дамыту үшін, төл тіліміздің на­сихатын арттыру үшін істеліп жатыр. Бұл игілікті іске өз үле­сімді қосып жатқанымды мақтан тұтамын. Ал аударма барысына тоқталар болсақ, бұл орайда айтарлықтай қиындық болған жоқ. Бірақ өте күрделі әрі жауапкершілікті талап ететін жұмыс екен. Мәселен, фильм жастарға арналғандықтан, он­дағы кейіпкерлердің барлығы «слэнг» тілінде сөйлейді. Бұл сөздерді қазақшалау, олардың орнына жанама сөздер іздеу біраз уақытымызды алды. Бұл сөздердің баламасы алғашқыда қызық естілуі мүмкін. Десе де,  уақыт өте келе құлағымыз үй­ренеді деп ойлаймын. 

Ал актерлер жайлы айтатын болсам, олармен жұмыс істеудің өзі үлкен бақыт дер едім. Жұ­мыс барысында ешқандай түсініспеушілік болған жоқ. Олар өздеріне жүктелген тап­сырманың жауапкершілігін толық сезініп, тамаша нәтиже көрсете білді. Актерлеріміздің кәсібилігіне, еңбекқорлығына тәнті болдым.  

Біз барлығымыз фильмдерді орыс тілінде көріп үйреніп қалғанбыз. Менің қалауым, дәл осы жоба жастардың назарын аудартып, қазақ тілін популярласа екен. Фильмдегі көптеген фразалар қанатты сөздерге айналатынына сенімдімін, олар өте қызықты. Оларды тіпті қазірдің өзінде интернетте қазақша трейлерін көргендер дәйексөздеп жатыр."  

Қазақ тілінде дыбыстағандар[өңдеу]

Кейіпкер Дыбыстаушы
Питер Квилл/Жұлдызды Лорд Тимур Пиязов
Гамора Гүлназ Әуесбаева
Роккет Жанат Ержан Жарылқасынов
Дракс Қиратқыш Руслан Сеңкебаев
Ронан Бейбіт Қамаранов
Грут Бауыржан Қаптағай
Йонду Удонта Бақытжан Жармұхамбетов
Нэбула Сәуле Тұрдақынова
Корат Ержан Түсіп
Корпсмэн Дэй Руслан Ахметов
Нова Прайм Тынышгүл Сұлтанбердиева
Танелир Тэван/Коллекция жиюшы Қайрат Домбаев
Мередит Квилл Әйгерім Байбергенова
Краглин Ерғали Төлебаев
Денариан Саал Азамат Қанапия
Делдал Ерғали Төлебаев
  • Дубляж режиссері — Тимур Балымбетов
  • Аудармашы — Диана Сабазова
  • Мәтінді үйлестірушілер — Салтанат Дүнгенбаева, Тимур Балымбетов
  • Жоба менеджері — Юлия Бисерова
  • Шығармашылық кеңесші — Сергей Пасов
  • Дыбыс режиссерлері — Андрей Резинкин, Азамат Конопья
  • Дубляж студиясы — «Cinema Tone Production»
  • Сәйкестендіру студиясы — «Shepperton International»
  • Қазақша нұсқасын шығарған — Disney Character Voices International, Inc.

Басқа рөлдерде[өңдеу]

  • Ерғали Төлебаев
  • Еркебұлан Дудабаев
  • Әйгерім Байбергенова
  • Ержан Түсіп
  • Самат Қордабай
  • Самат Андреев
  • Ерлан Өтепбергенов

Қызық фактілер[өңдеу]

  • Дракстің бет-әлпетін дұрыстап шығару үшін бес адамнан тұратын команда тер төккен. Күн сайын пластикалық грим жағуға 4 сағат уақыт кеткен. Барлығы Дэйв Батиста 7 тәулігін әрлеушілерде өткізген.
  • Фильмнің түсірілуі барысында пластикалық грим бойынша мамандар бетке арналған 1250 силиконды қаптама жасаған. Алаңшада әр кейіпкерді әрлеу үшін топ-топқа бөлінген 50 әрлеуші жұмыс істеген.
  • Marvel-дің алғашқы Walt Disney Pictures студиясы жасаған "Кекшілдер" туралы емес жобасы.
  • Фильм 2008 жылы шыққан аттас комисктерге негізделген (Жұлдызды Лорд, Гамора, Дракс Қиратушы, Роккет Жанат және Грут), сонымен қатар 1969 жылғы түпнұсқа комикстен Йонду да қатысқан.
  • Джоэл Эдгертон, Эдди Редмэйн, Дженсен Эклс, Ли Пейс, Уэс Бентли, Джек Хьюстон, Кэм Жиганде, Салливан Степлтон, Логан Маршалл-Грин, Гаррет Хедлунд, Крис Лоуэлл, Джеймс Марсден, Джим Стёрджесс, Джозеф Гордон-Левитт, Аарон Пол,Гленн Хоуертон, Майкл Розенбаум және Джон Красински Жұлдызды Лордтың рөліне тыңдаудан өткен.
  • Оливия Уайлд Гамораның рөлінен бас тартқан, ал Джина Карано, Рэйчел Николс және Эдрианн Палики тыңдаудан өткен, алайда соңында рөл Зои Салданага берілді.
  • Темір адам бұл фильмде эпизодтық рөл сомдайды деп жоспарланған болатын (өйткені ол комикстерде Галактика сақшыларының соңғы мүшесі болатын), бірақ бұл ойдан Роберт Дауни Кіші болашақта Тони Старктің рөлін сомдамауы мүмкін екендігін айтқан соң бас тартуға тура келген.
  • Небуланың рөлін сомдау үшін Карен Гиллан шашын алдырып тастаған.
  • Фильм жасаушылардың айтуынша, Жанат фильмнің бірегей эксперименттік өнімі: "Ол — іріктеп алынған және эксперименттің құрбаны болған аң. Оны быт-шытын шығарып шашып тастап, қайтадан кибернетикалық импланттарды қолданып жинаған. Ол — жартылай машина, жартылай жанат. Ол — бақытсыз, ашулы жаратылыс иесі, өйткені оған ұксайтын ешнәрсе жоқ."
  • Режиссёр Джеймс Ганның айтуынша, фильмді жасауда шабыт көзі "Темір адам" (2008) болган.
  • Нантакетте 18-ші кинофестивальге барғанда Гленн Клоуз "Галактика Сақшыларына" түсуге келіскенін айтқан еді, өйткені осындай жанрдағы фильмер оған қатты ұнайды екен.
  • Джеймс Ганн өзінің facebook-тіркелгісінде фильмнің ерекшелігі Тайлер Бейтс жазып қойған әуеннің сүйемелдеуімен түсірілгендігін жариялаған.

Сілтемелер[өңдеу]