Гардения
| Гардения | ||||||||||||||||||
|---|---|---|---|---|---|---|---|---|---|---|---|---|---|---|---|---|---|---|
 Gardenia jasminoides
| ||||||||||||||||||
| Ғылыми топтастыруы | ||||||||||||||||||
| ||||||||||||||||||
| түрлері | ||||||||||||||||||
|
түрі белгілі |
Гардения (лат. Gardenia) – рияндар тұқымдасына жататын көп жылдық өсімдіктер туысы. Отаны Оңтүстік Америка, Қытай және Үндістан. Табиғатта мәңгіжасыл бұтақты өсімдік болып табылады. 250-ден астам түрлері бар. Бөлме өсімдігі ретінде гарденияның Gardenia jasminoides деген түрі кең таралған. Бойының биіктігі 45-50 см жетеді. Жапырақтары жылтыр жасыл түсті, ұзындығы 10 см болады. Гүлдері сабақ басына 4-6 данадан жинақталған, диаметрі 5-7 см, жай және гүлпарлы. Гүлдерінің керемет хош иісі бар. Жазда немесе күзде гүлдейді. Гүлдеу кезеңінің басында гүлінің түсі аппақ болады да, біртіндеп сарғыштанып кетеді. Негізінен гарденияның күтіміне көп шыдамдылық пен еңбек қажет. Ол қышқыл топырақта молынан гүлдейді.
Жарығы:[өңдеу | қайнарын өңдеу]
Жарық жерде мол гүлдеп, жақсы дамып өседі. Тік түскен күн сәулесінен қорғау қажет.
Жылуы:[өңдеу | қайнарын өңдеу]
Гардения жылуды ұнатады. Қыста 16 °C-дан төмен болмағаны дұрыс.
Суғарылуы:[өңдеу | қайнарын өңдеу]
Көктем мен жаз кездерінде молынан, ал қыста сирек суғарады. Суғаратын суы бөлме температурасына сәйкес болуы керек. Топырағының тым ылғалды немесе тым құрғақ болғанын қаламайды.
Ылғалдылығы:[өңдеу | қайнарын өңдеу]
Жапырағына жиі су бүркіп тұру керек. Гүліне су бүркуге болмайды, су тамшыларынан күлтелеріне дақ түседі.
Қоректендірілуі:[өңдеу | қайнарын өңдеу]
Наурыз айынан тамыз айына дейінгі аралықта екі аптада бір рет құрамында калийі бар, арнайы гүлдейтін гүлдерге арналған тыңайтқышпен қоректендіріледі.
Аурулары:[өңдеу | қайнарын өңдеу]
Гарденияларға өсімдік биті әуес келеді. Зиянкес байқалған кезде бірден өсімдікті «Фитоверм», «Децис», «Актелик», «Инта Ви» деген инсектецидтермен емдейді. Ал, аурулары дұрыс күтім жасалмаған жағдайда пайда болады.
Көбейтілуі:[өңдеу | қайнарын өңдеу]
Көктем, жаз кездерінде қалемшесі арқылы көбейтеді.
Сілтемелер[өңдеу | қайнарын өңдеу]
- Гүлстан, өсімдіктер туралы сайт Мұрағатталған 20 ақпанның 2012 жылы.
Дереккөздер[өңдеу | қайнарын өңдеу]
"Гүлстан" республикалық ғылыми-танмыдық, көпшілік журнал, 2010 жыл ISSN 2078-6727