Гарнизон қызметі

Гарнизон қызметі (орыс. Гарнизонная служба) — гарнизонда орналаскан әскерлерге, әскери оку орындары мен мекемелерге гарнизонда ұйымдастырылатын жалпы маңызы бар шаралар. Гарнизон қызметінің мақсаты — гарнизон әскерлерінің берік әскери тәртібін сақтау, әскерлердің дайындығына және күнделікті өміріне керекті жағдайларды қамтамасыз ету, өтетін барлык шараларға гарнизон әскерлерін катыстыру болып табылады. Гарнизон қызметін гарнизон бастығы тағайындаған жауапты адамдар жүзеге асырады. Құрамында бірнеше құрамалар (бөлімдер) бар ірі гарнизондарда гарнизон бастығының саяси іс жөніндегі орынбасары, гарнизондагы тыл қызметінің аға бастығы, гарнизонның байланыс бастығы, гарнизоннын химиялык қызмет бастығы, гарнизонның медициналық қызмет бастығы, гарнизонның мал дәрігері, каржы қызметінің аға бастығы, гарнизонның өртке карсы қызмет бастығы, гарнизонның әскери дирижері тағайындалады. Гарнизонның әрбір қызмет адамы, гарнизон коменданты мен гарнизон гауптвахтасының бастығынан басқалары, өзінің міндетін негізгі жұмысымен қатар аткарады.