Гвардия ауданы

Аудан
Гвардия ауданы
Әкімшілігі
Ел	Қазақстан
Кіреді	Алматы облысы, Талдықорған облысы
Енеді	7 ауылдық округ
Әкімшілік орталығы	Қоғалы
Тарихы мен географиясы
Құрылған уақыты	16 қараша 1933 жыл
Таратылған уақыты	23 мамыр 1997 жыл
Тұрғындары
Тұрғыны	18 600 адам (2009)

Гвардия ауданы — 1933-1997 жылдары Алматы облысы мен Талдықорған облысының құрамында болған әкімшілік-аумақтық бірлік. Орталығы — Қоғалы ауылы.

Тарихы

Қоғалы ауданы 1933 жылы 16 қарашада Талдықорған ауданының бір бөлігінен Алматы облысының құрамында құрылды.

1938 жылы Сарыөзек жұмысшылар кенті статусын алды.

1942 жылы 7 мамырда Қоғалы ауданы Гвардия ауданы болып өзгертілді (сонымен бірге 28 гвардияшылар атындағы аудан деп те аталды).

1944 жылы 15 наурызда Гвардия ауданы Талдықорған облысына берілді.

1959 жылы 6 маусымда Талдықорған облысының таратылуына байланысты 28 гвардияшылар атындағы аудан Алматы облысына берілді.

1967 жылы 23 желтоқсанда Гвардия ауданы қайта құрылған Талдықорған облысының құрамына қосылды.

1973 жылы Жоламан, Ильичев, Қызылжар, Сарыбұлақ, Шанханай ауылдық кеңестері және Сарыөзек кенттік кеңесі Кербұлақ ауданына берілді.

1986 жылы ауданда 9 ауылдық кеңес болған: Алтынемел, Голубинов, Калинов, Көксу, Қоғалы, Ленин, Развилин, Холмогоров, Чкалов.

1988 жылы Гвардия ауданына Кербұлақ ауданы қосылды. Аудан орталығы Сарыөзекке көшірілді. 1989 жылы 13 қазанда Кербұлақ ауданы қалпына келтірілді, ал Гвардия ауданының орталығы Қоғалыға қайтарылды.

1997 жылы 22 сәуірде Гвардия ауданы Алматы облысына берілді.

1997 жылы 23 мамырда Гвардия ауданы таратылып, аумағы Кербұлақ ауданына берілді.

Халқы

1939	1959	1970	1979	1989
34053	▲52885	▲59561	▼25520	▲61365