Геймификация
Геймификация (ағылш. gamification) — пайдаланушылар мен тұтынушыларды тарту, олардың іскерлік міндеттерді шешуге, өнімдер мен қызметтерді пайдалануға деген қызығушылығын арттыру мақсатында қолданбалы бағдарламалық қамтамасыз ету мен веб-сайттарда компьютерлік ойындарға тән әдістер мен тәсілдерді қолдану.[1][2][3]
Геймификация қазіргі қашықтан электрондық білім беруді дамытудың негізгі бағыттарының бірі болып табылады.[4] 2010-жылдардың басында ол жалпы ұйымдардағы ақпараттық технологиялар саласындағы басты үрдістердің бірі ретінде қарастырылды.[5]
Сипаттамасы
[өңдеу | дереккөзін өңдеу]Геймификацияның негізгі қағидасы – пайдаланушыдан тұрақты кері байланыс алып отыру. Бұл оның әрекеттерін реттеуге, қосымшаның мүмкіндіктерін тез меңгеруге және күрделі функцияларды біртіндеп игеруге мүмкіндік береді. Сондай-ақ, қолданушыны қызықтыру үшін белгілі бір оқиға желісі немесе аңыз құрылады, бұл ортақ іске қатысу сезімін қалыптастырады. Пайдаланушының дағдылары артқан сайын мақсаттар мен тапсырмалар да біртіндеп күрделене түседі.
Геймификацияның негізгі аспектілері:
[өңдеу | дереккөзін өңдеу]- Динамика – пайдаланушының назарын және нақты уақыттағы әрекетін талап ететін сценарийлерді қолдану.
- Механика – ұпайлар, мәртебелер, виртуалды сыйақылар мен тауарлар сияқты ойын элементтерін пайдалану.
- Эстетика – эмоциялық қызығушылықты арттыратын ойын атмосферасын қалыптастыру.
- Әлеуметтік өзара әрекеттесу – пайдаланушылар арасындағы байланыс пен ынтымақтастықты қамтамасыз ету.
Геймификацияда қолданылатын терминдер:
[өңдеу | дереккөзін өңдеу]- Ойыншылар (players) – тұтынушылар мен әлеуетті тұтынушылар.
- Әрекеттер (actions) – пайдаланушыдан күтілетін іс-қимылдар.
- Деңгейлер (levels) – жетістіктеріне қарай пайдаланушыларды белгілі бір сатыларға бөлу.
- Мотивация – әрекет жасауға ынталандыру.
Геймификацияда қолданылатын ойын элементтері:
[өңдеу | дереккөзін өңдеу]- ұпайларды есептеу;
- күрделілік және шеберлік деңгейлері;
- жетістіктер;
- рейтинг кестелері;
- орындалу көрсеткіштері;
- виртуалды валюталар;
- қатысушылар арасындағы жарыстар;
- марапаттар.
Әскери іс
[өңдеу | дереккөзін өңдеу]Ойын психологиясының элементтері Украина армиясының майдандағы бөлімдерін жаңа үлгідегі дрондармен қамтамасыз ету барысында қолданылады. Михайло Федоров хабарлағандай, жаңа үлгідегі дрондарды бірінші болып жауынгерлік жағдайда дрондарды ең нәтижелі пайдаланған көрсеткіштері жоғары бөлімдер алады.
Дереккөздер
[өңдеу | дереккөзін өңдеу]- ↑ Helen A.S. Popkin FarmVille invades the real world. MSNBC. (1 маусым 2010). Басты дереккөзінен мұрағатталған 23 желтоқсан 2011. Тексерілді, 4 желтоқсан 2011.
- ↑ Keith Stuart 3D games enter a new generation. The Guardian. (19 қыркүйек 2010). Басты дереккөзінен мұрағатталған 10 қазан 2012. Тексерілді, 4 желтоқсан 2011.
- ↑ JP Mangalindan Today in Tech: News around the Web. Fortune. (1 қазан 2010). Басты дереккөзінен мұрағатталған 12 қараша 2012. Тексерілді, 4 желтоқсан 2011.
- ↑ Геймификация в образовании. Наука и жизнь. (желтоқсан 2018). Басты дереккөзінен мұрағатталған 28 ақпан 2021. Тексерілді, 27 желтоқсан 2020.
- ↑ Gartner Says By 2015, More Than 50 Percent of Organizations That Manage Innovation Processes Will Gamify Those Processes. Gartner. (12 сәуір 2011). Басты дереккөзінен мұрағатталған 1 шілде 2012. Тексерілді, 4 желтоқсан 2011.