Генераторлық шам

Генераторлық шам.

• Ток көзі энергиясын электромагниттік тербеліс энергиясына өзгертетін электрондық шам. Радиотаратқыштарда, өлшеу құралдарында, индукциялық қыздыру құралдарында қолданылады. Анодтан алынатын қуаттарына қарай төмен қуатты (50 Вт-қа дейін), орташа қуатты (5 кВт-қа дейін), жоғары қуатты (5 кВт-тан жоғары) генераторлық шамдар болып бөлінеді. Қазіргі кезде шығатын қуатты генераторларда қолданылатын шамдар жартылай өткізгіштік құралдармен алмастырылуда.
• Тұрақты немесе айнымалы ток көзі энергиясын жоғары жиілікті (ЖЖ, 10 ГГц-ке дейін) электромагниттік тербелістер энергиясына түрлендіруге арналған электрондық шам. Генераторлық шамды қолданылуы әр түрлі радиотаратқыштарда (мысалы, радиохабарда, теледидарда, радиолокацияда), өлшеу аспаптарында, медициналық электроника құрылғыларында, зарядталған бөлшектер үдеткіштерінде және т.с.с. генератордың немесе күшейткіштің басқарушы элементі ретінде қолданылады. Генераторлық шамды электрондар санына қарай триодтар, тетродтар, пентодтар; жұмыс түріне қарай үздіксіз әрекетті және импульсті; анодтың ыдырату қуаты деңгейіне байланысты төмен қуатты (25 Вт-қа дейін), орташа қуатты (1 кВт-қа дейін), қуатты (250 кВт-қа дейін), аса қуатты (200 кВт-тан астам); жұмыс жиіліктерінің диапазоны бойынша қысқа толқындар (30 МГц-ке жиілікке дейін), ультрақысқа толқындар (300 МГц-ке дейін), дециметрлік және сантиметрлік ауқым немесе аса жоғары жиіліктер (АЖЖ — 300 МГц-тен жоғары); баллонның материалы бойынша шыны, металшынылы, металкерамикалы; катодты қыздыру әдісіне байланысты тура және жанама қыздырылатын; анодты суыту түріне қарай табиғи және еріксіз суыту деп жіктейді.