Генри (Гарри), Уэльс ханзадасы

Уикипедия — ашық энциклопедиясынан алынған мәлімет
Мұнда ауысу: шарлау, іздеу





























































































































Ханзада Генри (Гарри)
ағылш. Prince Henry
Генри (Гарри), Уэльс ханзадасы
Ханзада Генри (Гарри)
Өмірбаяны
Діні: Англикандық
Династия: Badge of the House of Windsor.svg Виндзорлар
Әкесі: Чарльз, Уэльс ханзадасы
Анасы: Ханшайым Диана
Ханзада Генри (Гарри) Ортаққорда

Генри, Уэльс ханзадасы (ағылш. Prince Henry of Wales, толық аты Генри Чарльз Альберт Дэвид Маунтбаттен-Виндзор,ағылш. Henry Charles Albert David Mountbatten-Windsor; 15 қыркүйек 1984, Паддингтон, Лондон) — Уэльс ханзадасы Чарльз бен оның тұңғыш әйелі ханшайым Диананың кіші ұлы, Ұлыбритания Патшайымы ІІ Елизаветаның немересі, британ тағының бесінші мұрагері.

Оның мәртебелі есімінде «ханзада» және «Уэльстік» деген сөздер бар болғанымен (ағылш. His Royal Highness Prince Henry Charles Albert David of Wales),ол ағасы секілді «Уэльс ханзадасы» лауазымын иемденбейді. Өйткені бұл лауазымның иегері тақ мұрагері, яғни оның әкесі ханзада Чарльз болып табылады.

Өмірбаяны[өңдеу]

Ханзада Генри 1984 жылдың 15 қыркүйегінде сағат 16:20-да Лондондағы Әулие Мэри ауруханасында дүние есігін ашты. Сол жылдың 21 желтоқсан күні Кентерберий архиепископы жаңа туған ханзаданы шоқындырды және сәбиге Генри Чарльз Альберт Дэвид Маунтбаттен-Виндзор аты қойылды. Жас кезінен бастап отбасында Гарри деп аталып кеткен және сол есім кейбір ақпарат құралдарында да қолданылады.

Ханшайым Диана балаларының оқшауланып білім алғанын қаламады, керісінше мектепте өздерімен қатарлас достарымен оқығанын құптады. Бастапқы кезде Гарри Лондондағы Уэзерби мектебінде білім алды. Ал 1992 жылдан бастап ағасы ханзада Уильяммен бірге Ладгроув мектебінде білім алды.

1997 жылдың 31 тамызында Париж қаласында анасы, яғни ханшайым Диана жол апатына ұшырап, қайтыс болған кезде Гарри не бәрі 12 жаста болатын.

1998 жылы ханзада Итон колледжіне қабылданып, оны 2003 жылы тәмәмдады. Біржылдық академиялық демалыста ханзада Генри Аустралияға содан кейін Африка елдеріне сапар шекті. 2006 жылы ханзада Гарри мен Лесото патшалығының ханзадасы Сееисоның бастамасымен лесотолық жеткіншектер мен балаларға көмек көрсететін қайырымдылық ұйым құрылды. 2007 жылдың сәуір айында ханзаданың әскери қызметін өтеу үшін Ирак мемлекетіне жіберілетіні туралы мәлім болды, бірақ сол жылдың мамыр айында оны Иракқа емес Ауғанстанға жіберу мәселесі шешілді.

2011 жылдың 12 қыркүйек күні ханзада Гарри қайырымдылық акциясы аясында әлемге әйгілі лондондық BGC Partners брокерлік компаниясында брокер болып жұмыс істеп, британдық Barclays банкі мен еуропалық серіктестері арасында 18 миллиард евро тұратын қомақты келісім шарт жасап, әлемдік рекордты жаңартты.

Дереккөздер[өңдеу]