Географиялық қоғам

Уикипедия — ашық энциклопедиясынан алынған мәлімет
(Географиялық қоғамдар бетінен бағытталған)
Jump to navigation Jump to search

Географиялық қоғам — кәсіпқой географтар мен географияға ден қоятын адамдардың ерікті ғылыми бірлестігі; дүние жүзінің 60-тан астам елінде бар. Олардың ең байырғылары — Париждік (1821 ж. ұйымдасқан), Берлиндік (1828 ж.), Лондондағы Корольдік (1830 ж.), Мексикалық (1833 ж.), Орыс (1845 ж.), Нью-Йорктегі Америка (1852 ж.) географиялық қоғамдары. Кейбір мемлекеттерде (мысалы, АҚШ-та) бірнеше дербес Географиялық қоғамдар бар. Географиялық қоғамдар өздерінің қызметі арқылы география ғылымының дамуы мен кеңейе таралуына ықпал жасайды. Географиялық қоғамдардың басшылығымен және белсенді қатысуымен ғылыми экспедитаялар, конференциялар, тағы да басқалары өткізіледі, журналдар, монографиялар, ғылыми еңбектердің жинақтары, карталар және атластар басылып шығарылады. 1871– 1913 жж. Географиялық қоғамдар халықаралық географиялық конгрестерді шақырудың бастамашысы болды, кейін бұл функция Халықаралық географиялық одақтың құзырына берілді. Қазақстанда Географиялық қоғамдар 1950-ші жылдардың басында құрылды.[1]

Дереккөздер[өңдеу]

  1. Қазақ тілі терминдерінің салалық ғылыми түсіндірме сөздігі: География және геодезия. — Алматы: "Мектеп" баспасы, 2007. — 264 бет. ISBN 9965-36-367-6