Геологиялық-экономиялық талдау

Уикипедия — ашық энциклопедиясынан алынған мәлімет
Jump to navigation Jump to search

Геологиялық-экономиялық талдау (іздеу-барлау жұмыстарының нәтижелерін)[1]- іздеу-барлау жұмыстарының тиімділігін арттыру мақсатында геологиялық, әкімшілік, өндірістік нысандар бойынша және геологиялық-барлау жұмыстарының түрлері мен әдістері бойынша жүргізіледі.

Геологиялық-экономиялық талдау шараларының басты-басты мақсаттары:

  1. кен орындарын іздеу және барлау барысын жан-жаңты саралау (іздеудің ең тиімді бағытын қамтамасыз етуге белгіленген жұмыс көлемі мен қаражаттың жеткіліктілігі және ұтымдылығы; жүргізіліп отырған жұмыс түрлерінің, әдістердің және әдістемелердің геологиялық жағдайға сәйкес болуы; геологиялық-барлау жұмыстары жоспарының орындалу барысы; т.с.с);
  2. геологиялық-барлау жұмыстарының ең тиімді бағыттарын таңдау нәтижесінде кеннің қорын еселей арттыру мүмкіндіктерін іздестіру;
  3. кенді іздеу және барлау әдістемелерін жетілдіру;
  4. еңбек өнімділігін арттыру және өнімге тікелей қатысы жоқ шығындарды азайту;
  5. геологиялык-барлау өндірісін ұйымдастыру, ғылыми тұрғыдан қамтамасыз ету және жоспарлау шараларын жетілдіру.

Геологиялық-экономиялық талдау төмендегі мәселелерді қамтиды:

  • геологиялық-барлау жұмыстарьн сапалық және сандық тұрғыдан бағалау;
  • жұмыстың сипаты мен көлемін олардың жүргізілу сатысына, түріне және әдісіне сәйкес нақты турде және шығынданатын қаржы тұрғысынан анықтау;
  • тиімділік көрсеткіштерін (шаруашылық-есептік, салалық, халықшаруашылық, салыстырмалы) анықтау және салыстыру;
  • жоспарлаған кезеңдегі жұмыс көлемінің экономикалық тиімділігін арттыруды ңамтамасыз ететін тұжырымдар мен ұсыныстарды жасақтау.

Геологиялық-барлау процесінің ең ақырғы нәтижесін сипаттайтын көрсеткіпггерге баса назар аударылады.

Дереккөздер[өңдеу]

  1. Мұнай және газ геологиясы терминдерінің орысша-қазақша түсіндірме сөздігі. Жалпы редакциясын басқарған Казакстанға еңбегі сіңген мұнайшы — геологтар Т.Н. Жұмағалиев, Б.М. Куандықов. — А.: АРНGroup, 2000. — 328 бет.