Геологиялық формациялар туралы ілім

Геологиялық формациялар туралы ілім — Жер қыртысына тиесілі әр түрлі дәрежелі құрылымдық элементтерді зерттеу барысында осы құрылымдық элементтердің геологиялық даму тарихын оларды құрайтын геологиялық формациялардың болмыс-бітімі мен құрылыс ерекшеліктерін жан-жақты саралау нәтижесінде сатылай отырып қадағалауға негізделген геология ғылымының арнаулы ілімі. Бұл ілімнің өкілетгілігі мен тиімділігі "геологиялық формация" деген түсініктің нақтылы мағынасын анықтап алуға тікелей байланысты, ал бұл түсінік мағынасы үш түрлі бағытта тұжырымдалған, олар: парагенетикалық бағыт, генетикалық бағыт және стратиграфиялық бағыт. Геологиялық формация терминінің мағынасын генетикалық тұрғыдан тұжырымдау генетикалық формациялар туралы ілімнің ең тиімді бағытта дамуының бірден-бір алғышарты деп есептеуге болады, себебі, бұл түжырымға сәйкес, нақтылы геологиялық формацияның қалыптасуы нақтылы геотектоникалық жағдайға, яғни тектоникалық режімге тікелей тәуелді болып шығады, сөйтіп әрбір жекелеген геологиялық формация өзін қалыптастырған геотектоникалық жағдайдың бірден-бір өкілетті көрсеткіші рөлін атқара отырып, зерттелген құрылымдық элементтің геологиялық даму тарихын сатылай отырып кадағалауға мүмкіндік береді.