Георгий Михайлович Вожакин
Георгий Михайлович Вожакин (25.8.1921, Ресей, Алтай өлкесі, Алей ауданы Осколково селосы - 29.09.2003, Тула облысы, Щекино қаласы) - 2-дүниежүзілік соғысқа қатысушы, батарея командирі, аға лейтенанты. Орыс.
1943 жылы Харьков артиллериялық училищесін бітірді. 1943 жылы 4 маусымнан Ұлы Отан соғысына қатысып, Орталық және 1-Беларусь майдандары құрамында взвод, 76- мм-лік зеңбірек батареясы командирі қызметтерін атқарды. 1945 жылы 17 сәуірде 1-Беларусь майданына қарасты 61-армияның 397-атқыштар дивизиясы 447-атқыштар полкі батарея командирі. Вожакин Одер (Одра) өзенінің сол жағалауына сарбаздардың өтуін қамтамасыз етті әрі жауынгерлер тобы плацдармға бекінген сәтте батареямен Хоэн-вутцен (Германия) елді мекеніне өтіп, жаудың қарсы шабуылын тойтаруға қатысты. Вожакинге КСРО Жоғарғы Кеңесі Төралқасының Жарлығымен Кеңес Одағының Батыры атағы берілді (31.5.1945).
Соғыстан кейін Тула облысы Богородицк ауданы әскери комиссары қызметін атқарды. 1976 жылы подполковник шенінде запасқа шықты. Барнаул Даңқ мемориалына, Алтай өлкесі энциклопедиясына Вожакин есімі енген.
Ленин, 2 рет 1-дәрежелі Отан соғысы, «Қызыл Жұлдыз», 3-дәрежелі «КСРО Қарулы Күштерінде Отанға қызмет еткені үшін» ордендерімен және «Ерлігі үшін» медалімен марапатталған.[1]
Дереккөздер[өңдеу | қайнарын өңдеу]
- ↑ Айбын. Энциклопедия. / Бас редакторы Б.Ө.Жақып. - Алматы: «Қазақ энциклопедиясы», 2011. ISBN 9965-893-73-Х
- 25 тамызда туғандар
- 1921 жылы туғандар
- Алей ауданында туғандар
- 29 қыркүйекте қайтыс болғандар
- 2003 жылы қайтыс болғандар
- Щекинода қайтыс болғандар
- КСРО полковниктері
- Кеңес Одағының батырлары
- Ленин орденінің иегерлері
- I дәрежелі Отан соғысы орденінің иегерлері
- II дәрежелі Отан соғысы орденінің иегерлері
- Қызыл Жұлдыз орденінің иегерлері
- III дәрежелі Қарулы Күштерде Отан үшін қызмет еткені үшін орденінің иегерлері
- Ерлігі үшін медалінің иегерлері (КСРО)
- Ұлы Отан соғысы батарея командирлері
- КОКП мүшелері