Георг Фридрих Бенеке

Уикипедия — ашық энциклопедиясынан алынған мәлімет
Jump to navigation Jump to search

Георг Фридрих Бенеке (нем. Georg Friedrich Benecke 1762—1844) — көбіне ортағасырлық неміс әдебиетімен айналысқан неміс филолог-германисті.

Өмірбаяны[өңдеу]

Георг Фридрих Бенеке 1762 жылдың 10 маусымында Бавария жерінің Мёнксрот қаласында дүниеге келген. Жоғары білімін Геттинген университетінде Христиан Готлиб Гейненің оқушысы болып алды. Кейін, 1814 жылы сол университтің профессоры атанды. Г. Ф. Бенекенің ғылыми зерттеулерінің көпшілігі ағылшын және көнегерман тілдері мен әдебиеттеріне қатысты болды. Бенекенің жетістіктерінің біріне көнегерман әдебиетінің академиялық дәрістер пәніне айналуы жатады.

Оның «Beiträge zur Kenntniss der altdeutschen Sprach und Litteratur» (2 том, Геттинген, 1810 - 32) атты еңбегінде бірінші томында Бодмеров миннезингерлер басылымына қосымша ретінде, ал екінші томында Нейдхарт фон Ройенталь және Штрикердің «Pfaffe Amis» өлеңдері қамтылады.

Георг Фридрих Бенекенің іждағатымен Ульрих Бонердің "Асыл тас" «Edelstein oder Fabein» (Берлин, 1816), Рудольф из Эмстің "Варлаам және Иосафат" (Кенигсберг, 1818) және Вирнт фон Графенбергтің «Vigalois» (Берлин, 1819) кітаптары сол кездің едәуір жақсы сөздігімен жарық көрді.

Георг Фридрих Бенеке 1844 жылдың 21 тамызында Геттинген қаласында дүние салды.

Таңдаулы еңбектері[өңдеу]

• Beyträge zur Kenntniss der altdeutschen Sprache und Litteratur, 1810.

• Minnelieder. Ergänzung der Sammlung von Minnesingern, Геттинген 1810.

• Der Edel Stein / getichtet von Bonerius, aus Handschriften berichtigt und mit einem Wörterbuch versehen, Берлин 1816.

• Wigalois von Wirnt von Gravenberch, Берлин 1819.

• Iwein. Der Riter mit dem Lewen von Hartmann von Aue, (with Karl Lachmann), Берлин 1827.

• Wörterbuch zu Hartmanns Iwein, 1833.

• Mittelhochdeutsches Wörterbuch (with Wilhelm Müller and Friedrich Zarncke, қайтыс болғаннан кейінгі басылым; Лейпциг 1854-66, 4 бөлім).

Дереккөздер[өңдеу]