Геофизикалық өріс

Геофизикалық өріс. Жердің түрлі-түрлі физикалық өрістері, мәселен, Жердің магнит өрісі. Жердің жекелеген алқаптары мен аймақтарында табиғи немесе жасанды түрде қалыптасқан әр түрлі физикалық шамаларының жиынтығы Геофизикалық өріс терминімен аталып жүр. Барлау геофизикасында әдетте Геофизикалық өрістің төрт түрі дараланады, олар: бақыланған, қалыпты, қалыпсыз және жүйеленген өрістер; бақыланған Геофизикалық өріс. — нақтылы өлшенген өріс; қалыпты Геофизикалық өріс — өлшенген өрістер жиынтығының орташа мөлшерімен сипатталатын өріс; қалыпсыз Геофизикалық өріс — нақты өлшемдері қалыпты өріс көрсеткіштерінен айтарлықтай айырма беретін өріс; жүйеленген Геофизикалық өріс— өлшенген өрістерді белгілі бір жүйеге сәйкес саралау нәтижесінде алынатын өріс.