Гетер өткелді шалаөткізгіш аспап

Гетер өткелді шалаөткізгіш аспап — бір немесе бірнеше гетер өткелдері бар (бұл жағдайда оның басқа да өткелі болуы мүмкін) шалаөткізгіш аспап. Гетер өткелді шалаөткізгіш аспап кәдімгі ШӨ аспаптың аналогі (мысалы, диодтың, транзистордың) болуы немесе тіптен өзгеше құрылғы болуы мүмкін (мысалы, ИК сәулеленуді көрінетін жарыққа гетерөткелді түрлеңдіргіш). Жүзеге асырылган гетер өткелді шалаөткізгіш аспап тобы дискреттіктен бастап интегралдық аспаптарға дейінгі электрониканың әр түрлі саласының құрылғыларын қамтиды. Гетер өткелді шалаөткізгіш аспапқа инжекциялық лазерлер, тасқынды ұшып өту диодтары, ауқымды аймақты элементтері бар транзисторлар, жоғары вольтты импульстық ШӨ диодтар, спектрдің әр түрлі бөліктерін жіктеуге арпалған көгеренттік емес жарық көздері, кішкене инерциалды фотоқабылдағыштар, координаталы-сезімтал ШӨ фотоэлементтер және т.б. жатады.