Гидростатикалық парадокс

Гидростатикалық парадокс - ыдысқа құйылған сұйықтық салмағының сұйықтықтың ыдыс түбіне түсіретін қысым күшіне тең болмау жағдайы. Мыс., жоғары жағы біртіндеп кеңейе беретін ыдыстың түбіне түсетін қысым күші сұйықтық салмағынан аз, ал жоғары жағы біртіндеп тарыла беретін ыдыстың түбіне түсетін қысым күші сұйықтық салмағынан көп болады. Цилиндр пішіндес ыдыста бұл екі күш бірдей. Егер пішіні мен түбінің ауданы әр түрлі ыдыстарға бірдей деңгейде бір текті сұйықтықтар құйылса, онда олардың салмақтарының әр түрлі болуына қарамастан, ыдыс түбіне түсетін қысым күші бірдей әрі ол цилиндр пішіндес ыдыстағы сұйықтықтың салмағына тең болады. Өйткені қозғалмай тұрған сұйықтықтағы қысым оның бос бетінен есептелетін тереңдікпен сұйықтық тығыздығына тәуелді. Гидростатикалық парадоксты тұңғыш рет француз ғалымы Б.Паскаль Блез (1623-1662) 1954 жылы ашқан.