Гипс таңғыш

Уикипедия — ашық энциклопедиясынан алынған мәлімет
Jump to navigation Jump to search

Гипс таңғыш - сынған, жарақаттанған, ауырған орындарды қимылдатпайтын жағдайға келтіретін, тез қатаятын таңғыш. Гипс таңғыш сүйек сынғанда сынықтарды уақытша қозғалтпауға және орына түсірілген сынықтарды, буын жарақаттарын және кейбір сүйек ауруларын (туберкулез, сүйектік әртүрлі ауру салдарынан қисаюы, т. б.) емдеуге қолданылады. Гипс таңғышпен таңудың бірнеше түрі бар: орап таңу, гипстелінген таңғышпен (лонгет) таңу, корсет кигізу, саңылау қалдырып немесе көпірше қалап таңу, төсағаш тәрізді таңу және т. б. Гипс таңғышпен таңу үшін көлемі әртүрлі (қолдануға қарай) дәкеге ұнтақталған гипс салып, жылы су құйылған ыдысқа батырады да, дәкеге сығып жарақаттанған орынға салып, қысып байлайды. Гипс таңғышты қолданғанда органдар, қан тамырлары қысылып қалмау керек. Қол-аяқ саусақтары ашық қалдырылады. Таңғыш денеге батпау үшін, кейбір жағдайларда тері мен таңғыштың арасына мақтадан астар салады. Қолдану мақсатына қарай гипс таңғышты алып тастау мерзімі әртүрлі болады және оны алу үшін қайшы, пышақ не ара қолданылады.

Дереккөздер[өңдеу]