Глориоза

Уикипедия — ашық энциклопедиясынан алынған мәлімет
Jump to navigation Jump to search

Глориоза - лалагүлділер тұқымдасына жататын ерекше гүл. Биіктігі 1-2 метрге дейін жетеді. Жапырақтарының ұшындағы шырмауық мұрттары оратылып, биікке қарай өсуіне ықпал етеді. Глориоза XIX ғасырдың орта кезінен бастап Ресейде өсіп келеді. Ерекше күтімді талап етпейтін сәнді өсімдік гүл өсірушілердің сұранысына тез ие болды.

Глориоза

Глориоза - терезенің алдына қоюға, мерекелік орындарды безендіруге таптырмайтын әдемі гүл. Кез-келген сәндік гүлдермен араластырып гүл шоғын жасауға да ыңғайлы. Алайда ол-улы өсімдік.Әрі глориозаны түбінен ажыратып көбейтеді.

Шағын тарихы[өңдеу]

Өсімдік ең алғаш тропикалық Африка елінде өсе бастаған. Гүлі мен жапырақтарына қарап африкалық белгілер мен түстерді байқауға да болады. Өз отанында Глориоза шынайы махабаттың белгісі болып саналады. Глория сөзі "еркіндік"деген мағына береді.

Күтімі[өңдеу]

Глориозаны күн түсетін жерге қою керек, ал жазда далаға шығарып қойса да болады. Көктем-жаз уақыттарында +25.С температура қажет.Қыста бөлме температурасы +12С-тан төмен болмау қажет.Глориоза ауаның дымқылдығын ұнатады. Ол үшін ыдысының табанына су құйылған табақша қойып қоюға болады. Шашыратып суарғанда судың гүлге тиіп кетпеуін қадағалау қажет. Көктем-жаз айларында топырақтың беткі қабаты құрғаған сайын тұндырылған сумен суарады. Топырағының кеуіп кетпеуіне жол бермеу керек. Ал күзде жапырағы сарғая бастаған кезде суаруды тоқтатады. 2 аптада 1 рет минералдық және органикалық тыңайтқыштармен тыңайтып отыру керек.

Көбейту[өңдеу]

Глориозаны жыл сайын көктемде отырғызады. Оның ыдысы аласа әрі көлемді болғаны дұрыс. Күзде жапырақтары сарғайып солған соң суаруды тоқтатып, ыдысымен бөлме температурасында қойып қояды. Көктемде түптерін ажыратып жеке-жеке ыдыстарға отырғызады.

Дереккөздер[өңдеу]

"Қазақстан әйелдері" республикалық журналы;