Глухов артезиан алабы

Уикипедия — ашық энциклопедиясынан алынған мәлімет
Jump to navigation Jump to search

Глухов артезиан алабы, Шығыс Қазақстан облысында Семей қ-нан солт.-батысқа қарай 30 – 35 км жерде, Ертістің оң жағалауында, Батыс Сібір артезиан алабының оңт.-шығысында, 1962 – 67 ж. анықталды. Сазбен табылған неоген-төм. антропоген құмдары су сыйыстырушы жыныстар болып саналады. Суы арындап, жер бетіне шапшып шығады. Өздігінен құйылатын ұңғымалардың дебиті 30 – 35 л/с, сорғымен тартқанда 50 – 60 л/с-қа жетеді. Суы тұщы, гидрокарбонатты-натрийлі, сәл сілтілі (рН 7,1 – 7,5) температурасы – 14°С, Алаптың негізгі толығу аймағы – Семейдің солтүстік мен солтүстік -батысындағы қарағай орманы өскен құмды алқап. Алаптың өз суынан ішінара арылатын аумағы Ертіс аңғары, Белокаменка а-ның тұсы. Жер асты суының ғасырлық қорының орташа шығымы 8 м³/с. Глухов артезиан алабының суы Семейді, оған таяу елді мекендерді сумен қамтамасыз етуге, жер суғаруға пайдаланылады.

Дереккөздер[өңдеу]

[1]

  1. Қазақ энциклопедиясы