Голоскоков ақүрпегі

Уикипедия — ашық энциклопедиясынан алынған мәлімет
Jump to navigation Jump to search
Голоскоков ақүрпегі
Ғылыми топтастыруы
Дүниесі: Өсімдіктер
Бөлімі: Гүлді өсімдіктер
Табы: Қос жарнақтылар
(unranked) Asterids
Сабы: Asterales
Тұқымдасы: Asteraceae
Кіші тұқымдасы: Asteroideae
Тайпасы: Anthemideae
Кіші тайпасы: Handeliinae
Тегі: Tanacetopsis
Түрі: T. goloskokovii
Екі-есімді атауы
Tanacetopsis goloskokovii
(Poljak.) Karmysch., 1966

Голоскоков ақүрпегі (лат. Tanacetopsis goloskokovii) – астралылар тұқымдасына жататын көп жылдық шөптесін өсімдік. Жетісу (Жоңғар), Іле Алатауы, Батыс Тянь-Шаньда кездеседі. Биікт. 30 – 75 см. Сабағы тік, ұшына жақындаған сайын бұтақтары жиілей түседі. Жапырақтары таспа пішінді болғанымен тақтасы қауырсын тәрізді терең ойықталған, ұзын сағақты, сабаққа кезектесіп орналасады. Жеке гүлдері себетгүл гүлшоғырына шоғырланған, барлық себетгүлдері топталып, қалқанша гүлшоғырын түзеді. Гүлдері қос жынысты, сары түсті, күлтесі бір-бірімен бірігіп, тұтасып түтікше құрайды. Тұқымынан көбейеді. Маусымшілде айларында гүлдеп, тамызда жемісі піседі. Жемісі – ұсақ, қырлы тұқымша. Голоскоков ақүрпегі өте сирек кездесетін түр болғандықтан қорғауға алынып, Қазақстанның «Қызыл кітабына» енгізілген.

Дереккөздер[өңдеу]

[1]

  1. Қазақ энциклопедиясы