Госпитальдық база

Госпитальдық база — жараланған және ауру әскери қызметшілерге мамандандырылған медициналық көмек көрсетуге және оларды емдеуге арналған майдан (флот) тылы немесе орталық құрамындағы медициналық құрылым. Құрамы: басқарма, түрлі мақсаттағы госпитальдар, қызмет көрсету және материалдық жабдықтау бөлімдері мен бөлімшелері. Қажет болғанда госпитальдық база бөлімшелерге бөлінеді (госпиталь топтары). Ұлы Отан соғысының тәжірибесі бойынша госпитальдық база өз жұмысын тиісті тыл аймағынын шеңберінде, орталық майдан тылы аймағынан тыс жүргізді. Орталық госпитальдық базанын емдеу мекемелерінің мамандандырылуы майдан және армия госпитальдық базана қарағанда неғұрлым сараланған болды.