Грета ото

Уикипедия — ашық энциклопедиясынан алынған мәлімет
Jump to navigation Jump to search
Грета ото
Greta oto.jpg
Ғылыми топтастыруы
Дүниесі: Жануарлар
Жамағаты: Буынаяқтылар
Табы: Жәндіктер
Сабы: Қабыршақ қанаттылар‎
Тұқымдасы: Nymphalidae
Тайпасы: Ithomiini
Тегі: Greta
Түрі: G. oto
Екі-есімді атауы
Greta oto
William Chapman Hewitson, 1837

Грета ото (лат. Greta oto) – нимфолид семьясына жататын көбелектің түрі . Оңтүстік Америкадағы Амазонканың дымқыл ормандарында тіршілік етеді."Greta oto" деп аталатын бұл ерекше көбелек Мексиканың да ылғалды ормандарын өзіне мекен еткен. Сол аймақтағы көбелектер ішінде ең көп кездесетіні де сол болып келеді. Көбелектің өзі онша үлкен емес. Қанаттарын толық жайғанда 5-6 см шамасында болады. Оның қанатынан өткен күретамырларындағы ұлпалар түсті қабыршақтардың жетіспеушілігінен көрінбейді.

Олар қырықбуындар қорек ететін цеструм текті өсімдіктерге жұмыртқалайды. Себебі қырықбуындар көбелектің тұқымдарына улы алкалоидтың ұлпаларын қалдырып кетеді. Сол ұлпамен тұқымдар қоректенеді екен. Көбелектің денесінен ол өскеннен кейін де алкалоидтың иісі шығып тұратындықтан, құстар немесе көбелектерді қорек ететін басқа жәндіктер оны жеуден бас тартады. Бұл табиғи қорғанудың бір тәсілі болса керек.

Экологтар үшін Грета Ото қоршаған орта жағдайының өзіндік көрсеткіші. Бұл көбелектер қоршаған орта мінсіз болған жерде ғана өмір сүреді. Ал көбелектің белгілі бір жерде өліп қалуы сол мекеннің экологиялық өзгеріске ұшырағанын көрсетеді. Сондықтан, экологтар Грета Отоның әр тұқымын мұқият бақылауда ұстауға тырысады.