Мазмұнға өту

Гримсби Таун

Уикипедия — ашық энциклопедиясынан алынған мәлімет
Англия Гримсби Таун
Толық атауы

Grimsby Town Football Club

Құрылған жылы

1878[1]

Стадионы

Бланделл Парк, Клиторпс

Сыйымдылығы

9546[2]

Иесі

1878 Partners (63.1%)[3]
The Mariners Trust (13.5%)
Mike Parker (10.5%)
Other Shareholders (12.9%)[4]

Президенті

Andrew Pettit

Бас жаттықтырушы

Англия Дэвид Артелл

Сайты

https://www.gtfc.co.uk

Жарыс

Лига 2 (EFL League Two)

2024/2025

9 орын

Формасы
Форма
Негізгі
форма
Қонақтық
форма
Резервтік
Бұл үлгіні: көру • талқылау • өңдеу


«Гримсби Таун» (ағылш. Grimsby Town Football Club;) — Англияның Клиторпс қаласында орналасқан кәсіби футбол клубы. Команда Англия футбол лигасы жүйесінің төртінші деңгейі — EFL League Two лигасында ойнайды.


Тарихы

[өңдеу | қайнарын өңдеу]

Бастапқы жылдар (1878–1918)

[өңдеу | қайнарын өңдеу]

Гримсби Таун футбол клубы 1878 жылы Гримсби қаласындағы Фримен көшесінде орналасқан Wellington Arms пабында өткен жиналыстан кейін құрылды[5]. Жиналысқа қатысқандардың ішінде жергілікті Worsley Cricket Club мүшелері де болды. Олар крикет маусымы аяқталғаннан кейін бос кештерді спортпен толтыру үшін футбол клубын құруды қалады[1].

Клуб алғашында Гримсби Пелем деп аталды. Бұл атау сол өңірдің ірі жер иеленушісі, Ярборо графының отбасы есімімен байланысты болған[5]. 1880 жылы клуб Clee Park жерін сатып алып, сол жер олардың алаңы болды. 1889 жылы клуб Абби Паркқа көшті, ал 1899 жылы қазіргі үйі Бланделл Паркқа қоныстанды. Бастапқы түстер көк және ақ жолақты форма еді, бірақ 1884 жылы оларды қоңыр мен көктің төртбұрышты үлгісіне ауыстырды[6].

1888 жылы клуб алғаш рет лига ойындарына қатысып, жаңа құрылған «Combination» лигасына кірді. Алайда лига көп ұзамай тарады. Келесі жылы клуб Футбол Лигасына кіруге өтініш берді, бірақ өтініш қабылданбады. Оның орнына клуб Футбол Альянсына қосылды. 1890 жылы клуб акционерлік қоғамға айналды, ал 1892 жылы екі дивизионға кеңейтілген кезде ақыры Футбол Лигасына қабылданды[7][8]. Алғашқы ойынында Гримсби Таун Нортуич Виктория клубын 2:1 есебімен жеңді.

Гримсби Таун, 1900–1901 маусымындағы алғашқы Футбол Лигасының Екінші дивизионының чемпионы

1901–02 маусымында Гримсби Таун чемпионы атанып, Бірінші дивизионға көтерілді[9]. Екі маусымнан кейін олар қайтадан төмендеп[10] және он жыл ішінде қайтадан лигадағы емес командаға айналды. 1910 жылы Мидленд лигасына түсіп кетті[11]. Алайда, олар алғашқы маусымда чемпион атанып, кейін жергілікті қарсыластары Линкольн Сити командасын Футбол лигасында алмастырды[12].

Гримсби Таун мен Халл Сити кәсіби деңгейде Рождество күні лига матчтарын өткізуге ресми рұқсат алған жалғыз екі команда болды. Бұл дәстүр соңғы жылдары траулер флотының күрт қысқаруына байланысты жойылды[13].

Соғыстар арасындағы жылдар (1918–1945)

[өңдеу | қайнарын өңдеу]

Бұл жылдар клуб тарихындағы ең табысты кезең болды. Бірінші дүниежүзілік соғыстан кейінгі алғашқы толық маусымда клуб жаңа үшінші дивизионға төмендетілді[14]. 1920–21 бастапқы маусымында олар жаңа дивизионды құруға шақырылған Оңтүстік лигасының бұрынғы мүшелеріне қарсы ойнады, бірақ бір жылдан кейін үшінші дивизион Солтүстік құрылды да, Гримсби сонда ауыстырылды. 1929 жылға қарай олар қайтадан Бірінші дивизионға оралды[15]. Онда (1932 жылдан 1934 жылға дейінгі қысқа үзілістен басқа) 1939 жылға дейін қалды және 1934–35 маусымында Бірінші дивизионда өздерінің ең жоғары нәтижесіне – 5-орынға жетті[1]. 1925 жылы клуб қара-ақ жолақты түстерді таңдады[6][16].

Гримсби Таун ойыншылары Джеки Бесталл, Джордж Твиди және Хэрри Бетмид 1935–1937 жылдар аралығында Англия құрамасында бір-бір реттен ойнады. Олар әлі күнге дейін Англияның негізгі құрамында өнер көрсеткен клубтың жалғыз ойыншылары болып саналады.

1936 жылы Гримсби Англия кубогының жартылай финалына шықты. Ойын Хаддерсфилд Таунның Лидс Роуд стадионында өтті. Гримсби Таун Арсенал клубынан 1–0 есебімен жеңілді[17].

1937 жылы 20 ақпанда клубтың рекордтық көрермен саны тіркелді – 31 651 жанкүйер Англия кубогында Вулверхэмптон Уондерерс клубына қарсы матчқа жиналды[18].

1939 жылы 25 наурызда Гримсби тағы да Англия кубогының жартылай финалына шықты. Бұл жолы Олд Траффордта Вулверхэмптон Уондерерске қарсы ойнады. Көрермен саны 76 962 адамды құрады, бұл Олд Траффорд тарихындағы ең жоғары көрсеткіш болып қала беруде[19][20]. Қақпашы Джордж Моулсон ойын басында жарақат алып, Гримсби Таун 5–0 есебімен жеңілді. Ол кезде жарақатқа байланысты ойыншыларды алмастыруға тыйым салынғандықтан, Гримсби матчты 10 ойыншымен әрі алаң ойыншысының қақпада тұруымен аяқтауға мәжбүр болды[19].

Соғыстан кейінгі құлдырау(1946–1970)

[өңдеу | қайнарын өңдеу]

Екінші дүниежүзілік соғыстан кейін 1946–47 маусымында Футбол лигасы қайта басталған соң, клуб 1947–48 маусымының соңында төмендеп және содан бері жоғарғы деңгейге қайта оралған жоқ[21][22]. 1950–1960 жылдардың көп бөлігі Солтүстік Екінші дивизион мен Солтүстік Үшінші дивизион арасында алма-кезек өтті. 1951 жылдың шілдесінен 1953 жылдың қаңтарына дейін клубты Билл Шенкли басқарды[23][24]. Гримсби 1951–52 маусымында жоғары дивизионға шығуға мықты талпыныс жасады, бірақ ақырында екінші орын алып, Линкольн Ситиден үш ұпай артта қалды[25].

1952–53 маусымын Гримсби Таун бес бірдей жеңіспен жарқын бастады, бірақ кейін сыр беріп, маусымды 5-орында аяқтады[26]. 1953–54 маусымында Шенкли жаңа ойыншыларды сатып алуға қаражат бөлмеген клуб басшылығына көңілі қалып, түңіле бастады. Ол болашағы бар жас ойыншыларды негізгі құрамға шығаруға асықпады. Ақыры 1954 жылдың қаңтарында ол басшылықтың өршіл мақсаттарының жоқтығын басты себеп қылып, отставкаға кетті[27]. Кейін Шенкли Ливерпульмен Футбол лигасын, Англия кубогын және УЕФА кубогын жеңіп алды[28].

1954 жылы Гримсби Таун ағылшын футболында алғаш рет шетелдік жаттықтырушы тағайындаған клуб болды. Бұл мажарлық бапкер Элемер Беркесси болды. Көп ұзамай Алленби Чилтон клубтың алғашқы ойыншы-бапкері болып тағайындалды. Ол 1954–55 маусымының соңына қарай Манчестер Юнайтедтен қосылды. Бірақ Чилтон Гримсбиді төменгі дивизионға түсіп қалудан сақтап қала алмады[29]. Алайда келесі маусымда ол команданы Үшінші дивизион (Солтүстік) чемпионы атандырып, тарихтағы жалғыз клуб ретінде бір маусым ішінде төмендеп, қайта жоғарылатылған командаға айналдырды[30]. Чилтон 1959 жылдың сәуіріне дейін Гримсби Таунда бапкер болып қалды, содан соң Уиган Атлетик клубына ауысып, 1960–61 маусымында оларды бір жыл жаттықтырды[23].

1968 жылы Гримсби тарихында алғаш рет Төртінші дивизионға түсіп қалды[31].

1970-жылдардағы жаңғыру (1970–1980)

[өңдеу | қайнарын өңдеу]
Гримсби Таун клубының логотипі (1977–2022)

1972 жылы Гримсби Таун өзінің трансферлік рекордын жаңартты. Клуб Фил Хаббардты сатып алу үшін £20 000 төледі[32]. Сол жылы 22 489 жанкүйер Эксетер Сити клубына қарсы үйдегі жеңіске куә болды. Бұл жеңіс клубқа Төртінші дивизион чемпионы ретінде жоғарылауға мүмкіндік берді[33]. Бұл серпіліс Лори МакМенеми бас бапкер болып тағайындалғаннан кейінгі өзгерістердің нәтижесі деп саналды[34].

Клуб 1977 жылға дейін Үшінші дивизионда ойнады, бірақ сол жылы Төртінші дивизионға түсіп қалды. Дегенмен, 1979 жылы қайтадан жоғары көтерілді[35][36]. Бір жылдан кейін, Джордж Керрдің жетекшілігімен Үшінші дивизион чемпионы атанып, ағылшын футболының екінші деңгейіне оралды.

Екінші дивизионға оралу (1980–1987)

[өңдеу | қайнарын өңдеу]

1980–81 маусымын клуб 7-ші орында аяқтады[37]. Сол жылы бұрынғы Barrett's Stand қауіпті деп танылғаннан кейін жаңа 1 миллион фунт стерлингтік трибунаның құрылысы басталды. Ол бастапқыда Findus Stand деп аталды (қазіргі атауы — Young's Stand). Жаңа трибуна алғаш рет 1982 жылдың 29 тамызында ашылды. Сол күні Гримсби Таун өз алаңында Лидс Юнайтед клубын қабылдады[1].

1983–84 жылғы маусымда клуб Екінші дивизионда 5-орынды иеленді, ал маусымның соңғы бөлігінде көп уақытты үздік үштіктің ішінде өткізген болатын[38]. Бұл олардың 1947–48 маусымынан бергі лигадағы ең жоғары көрсеткіші болды[22].

Алайда Гримсби Таунның Екінші дивизиондағы кезеңі 1987 жылы аяқталды. 1986–87 маусымының көп бөлігінде турнир кестесінің жоғарғы жартысында болғанына қарамастан, соңғы 10 ойында 8 жеңіліс пен 2 тең ойын тіркеліп, команда 8-орыннан 21-орынға түсіп кетті. Сөйтіп, олар қайтадан екінші деңгейге көтеріле алмады[39].

1987–1997 маусымдары

[өңдеу | қайнарын өңдеу]

1987–88 маусымында Гримсби Таун нашар өнер көрсетіп, Төртінші дивизионға түсіп қалды[40]. Клубтың қаржылық жағдайы да мүшкіл еді. 1988–89 маусымы басталғанда клуб алдындағы басты міндет Футбол конференциясына түсіп қалмау, Англия футбол қауымдастығынан шығарылмау және мүлдем жабылып кетпеу болды. Команда маусмды 9-шы орында аяқтады[41].

1986 жылы Дэйв Бут сыртқы бизнес мүдделеріне байланысты отставкаға кеткеннен кейін клуб екі жылда екі бапкер ауыстырды (Мик Лайонс пен Бобби Робертс). 1988 жылғы құлдыраудан кейін Алан Бакли бас бапкер болып тағайындалды және 1991 жылға қарай ол клубты екі маусым қатарынан жоғарғы дивизиондарға шығарды, ал ол кезде клубтың төрағасы Питер Фурно болды[42][43]. Осылайша, Гримсби Таун алты жыл бойы ағылшын футболының екінші деңгейінде ойнады[44].

Шон Каннингтон, Кит Александр, Марк Левер, Дэйв Гилберт, Стив Ливингстон, Пол Футчер, Пол Гроувс және Клайв Мендонка сияқты ойыншылар Гримсбиді екінші дивизионда тұрақты командаға айналдырды (1992 жылы Премьер-лига құрылғаннан кейін Екінші дивизион Бірінші дивизион деп аталды). 1992–93 маусымында Гримсби Таун жаңа Бірінші дивизионда 9-шы орынға жайғасты, ал сәуір айына дейін плей-офф аймағы үшін күрес жүргізіп, төрт жылдың ішінде үшінші рет жоғарылу мүмкіндігін иеленді[45]. Бірақ келесі жылы олар 16-шы орынға түсті[46].

Гримсби Таун клуб академиясынан Джек Лестер, Джон Остер, Гари Крофт және Питер Хэндайсиді шығарды. 1994 жылдың қазанында Бакли Вест Бромвич Альбион клубына кетті, ал оның орнына қорғаушы Брайан Лоус келді[47]. Лоус бапкер ретіндегі алғашқы маусымында Гримсби Таун клубын 10-шы орынға жеткізді[48].

Келесі маусымда Гримсби Таун 17-ші орын алды[49]. 1996–97 маусымында Гримсби Таун Бірінші дивизионнан түсіп қалды[44].

Уэмблидегі екі жеңіс (1997–98)

[өңдеу | қайнарын өңдеу]

1997–98 жылғы маусымда Гримсби Таун клубына бапкер ретінде бұрын Вест Бромвич Альбионда сәтсіз кезең өткізген Алан Бакли қайта оралып, клубтың соғыстан кейінгі ең табысты маусымын бастады. 1997 жылғы жазда Бакли алдағы маусымда шешуші рөл атқаратын ойыншыларды командаға шақыра білді. Бұрынғы капитан Пол Гроувс Вест Бромвич Альбионнан қайта алынды, сондай-ақ Кевин Донован мен Дэвид Смит те Альбионнан қосылды. Маусым ортасында Хаддерсфилд Таун клубының жартылай қорғаушысы Уэйн Бернеттің келуі Бакли үшін өте сәтті қадам болды[50]. Маусым соңында Гримсби Таун 3-ші орынды иеленді[51].

Лига Кубогындағы сәтті ойындар барысында Гримсби Таун алдымен чемпион Лестер Сити клубын, кейін Премьер-лигадағы Шеффилд Уэнсдейді жарыстан шығарды, бірақ ақыры Ливерпульге жол берді[52]. Гримсби Таун Футбол Лигасының Трофейі солтүстік аймақ финалында Бернли клубын жарыстан шығарып, тарихта алғаш рет Уэмбли стадионына жолдама алды[53].

Финалда олар оңтүстік аймақ чемпионы Борнмут командасымен кездесті. 112-минутта Уэйн Бернетт соққан «алтын голдың» арқасында Гримсби Таун жеңісті жұлып әкетті[53]. Бұл клубтың Уэмбли стадионында алған алғашқы ірі трофейі болды.

Төрт аптадан соң Гримсби Таун тағы да Уэмблиге оралды. Бұл жолы олар Екінші дивизион плей-офф финалында [[Нортгемптон Таун ]]мен кездесті[53]. Ойында жалғыз голды Кевин Донован бірінші таймда соғып, Гримсби Таун тарихи «Уэмблидегі қос жеңісті» және Бірінші дивизионға қайта көтерілуін қамтамасыз етті[54].

Екінші дивизионға қайта оралу (1998–2003)

[өңдеу | қайнарын өңдеу]

1998–99 жылғы маусымда Гримсби Таун 11-ші орынға ие болды, бірақ 1999–2000 жылғы маусымда клуб қиындықтарға тап болып, 20-шы орынмен шектелді. Дегенмен, Уолсолл клубы төменгі дивизионға түсіп, Гримсби Таун құлдыраудан аман қалды. 2000–01 жылғы маусымда басқармада өзгерістер орын алып, Билл Каррдың орнына Даг Эверит келді. Эверит маусым басталғаннан кейін небәрі екі ойында-ақ бапкер Алан Баклиді қызметінен босатып, оның орнына бұған дейін Чарльтон Атлетик пен Мидлсброны жоғарғы лигаға шығарған Ленни Лоуренсті тағайындады. Жаңа бапкер құрама құрамын жиі өзгертіп, шетелден қымбат ойыншыларды шақырды. Олардың қатарында Чжан Энхуа[55][56], Витесс клубынан алынған Менно Виллемс[57], сондай-ақ Давид Нильсен мен Кнут Андерс Фостервольд болды. Соған қарамастан, клуб тек маусымның соңғы күнінде жаңадан көтерілген Фулхэмді жеңіп, Бірінші дивизиондағы орнын сақтап қалды[58].

2001–02 жылғы маусым Гримсби Таун үшін сәтті басталды. Бес ойыннан кейін олар турнир кестесінде бірінші орында тұрды. Лига Кубогында клуб үшінші айналымға дейін жетіп, Энфилд стадионында кубок иегері Ливерпульмен кездесті. Клуб тарихындағы ең әйгілі жеңістердің бірінде Гримсби Премьер-лига командасынан 90 минут бойы гол жібермей, ойынды қосымша уақытқа жеткізді[59]. Гари Макаллистер Давид Бехароллдың қолымен ойнағаны үшін пенальтиден есеп ашса да, жалға алынған Марлон Брумс есепті теңестірді. Кейіннен Эвертонның бұрынғы жас ойыншысы Фил Джевонс алыстан соққан ғажайып голымен Крис Киркландтың қақпасын дәл көздеп, клубқа тарихи жеңіс сыйлады[59][60].

Алайда Гримсбидің жоғары дивизионға шығу үшін күресі сәтсіз аяқталды. Команданың ойыны күрт төмендеп, маусым ортасында Лоуренс қызметінен босатылды. Оның орнына капитан Пол Гроувс тағайындалып, команданы 19-шы орынға жеткізді. Бұл төменгі дивизионға түсіп қалудан сақтап қалғанымен, маусымның сәтсіз аяқталғанын көрсетті.

2002–03 жылғы маусымда Гримсби Таун сәтсіздікке ұшырап, Бірінші дивизионда соңғы орын алып, қатарынан бес маусым осы деңгейде өнер көрсеткеннен кейін төменгі лигаға түсіп қалды.

Құлдырау кезеңі (2004–2010)

[өңдеу | қайнарын өңдеу]

ITV Digital компаниясының кенеттен күйреуі клубты 2 миллион фунттан астам қарызға батырды, оның 700 мың фунты Салық басқармасына қарыз болса[61][62], қалған едәуір бөлігі Ллойдс Банкке тиесілі еді. Бұл күйреу Англия футболының екінші дивизионында ойнаған көптеген шағын клубтарға ауыр соққы болып тиді. Нәтижесінде негізгі құрам ойыншылары Дэнни Койн мен Жорж Сантос секілді футболшылар басқа клубтарға кетті[63][64]. Сондай-ақ жаңа маусымда клубтың ұзақ жылдар бойы серіктесі болған Avec Sportswear жабылып қалғандықтан, өз формаларын өзі шығаруға мәжбүр болды. Гримсби Таун маусымда «Grimsby Town Sports» брендімен ойнады.

2004 жылдың ақпанында Пол Гроувс бірқатар сәтсіз нәтижелерден кейін қызметінен босатылды[65], ал оның орнына келген Никки Ло бірнеше айдан соң-ақ жұмыстан шығарылып, Гримсби Таун қатарынан екінші рет төменгі лигаға түсіп қалды. 2004 жылдың мамырында жаңа бас бапкер болып Рассел Слейд тағайындалды[66].

2005 жылы директор Джон Фенти сыртқы инвесторларды таба алмаған соң және жергілікті халыққа акциялар сату да сәтсіз аяқталғаннан кейін клубтағы бақылаушы акционер атанды. Ол клубтың 51% акциясына иелік етті және оның жұмысын жалғастыру үшін өз қалтасынан елеулі қаржы бөлді. Бұған қоса, бұрынғы Лестер Сити төрағасы Джон Элсом және атқора иесі әрі жаттықтырушы Майкл Чапман 2002 жылдың желтоқсанында директорлар кеңесіне қосылды[67][68].

Слейд алғашқы маусымында клубты кестенің ортасында ұстай алды. 2005–06 жылғы маусымда жақсы нәтижелер көрсетіп, Гримсби Таун Футбол Лигасының Екінші дивизионында көш бастады. Лига Кубогында олар бірінші айналымда сырт алаңда Дерби Каунтиді, ал екінші айналымда Тоттенхэм Хотспур клубын жеңді[69]. Үшінші айналымда Ньюкасл Юнайтедке 0:1 есебімен жол беріп жарыстан шығып қалды. Маусым соңында клуб жоғарылату аймағынан шығып қалып, плей-офф жартылай финалында Линкольн Ситиді жеңгенімен, финалда Миллениум стадионында Челтнем Таун клубына 0:1 есебімен есе жіберді[70]. 31 мамырда Слейд жаңа келісімшартқа келіспей, клубтан кетті[71].

Оның көмекшісі Грэм Роджер орнына келді, бірақ қарашада Гримсби Таун нашар нәтижелер көрсеткеннен кейін, Грэм Роджер қызметінен босатылды. Содан соң клубқа үшінші мәрте Алан Бакли келді, алайда команда Екінші дивизионда кестенің төменгі жартысында ғана аяқтады. 2007–08 жылғы маусымда клуб Футбол Лигасы кубогында сәтті өнер көрсетіп, 2008 жылдың 4 наурызында Моркам клубын жеңіп, жаңа Уэмбли стадионына жолдама алды. Финалда Милтон-Кинс Донс клубына қарсы ойында Гримсби 0:2 есебімен жеңілді[72]. Маусым сегіз бірдей жеңіліспен аяқталды. 2008 жылдың 22 наурызынан бастап қатарынан 13 ойында жеңіске жете алмай, 15 қыркүйекте Алан Бакли қайтадан жұмыстан босатылды[73]. Гримсби Таун оның орнына Майк Ньюэллді тағайындады[74]. Сол маусымда Гримсби Таун Екінші дивизионда 22-орын алып, соңғы күні ғана төменгі дивизионға құлаудан құтылды.

Клуб басшылығының бұрынғы қолдауына қарамастан, 2009 жылдың 18 қазанында клубтың ресми сайты Майк Ньюэллдің жұмыстан кеткенін хабарлады[75][76]. 2009 жылдың 23 қарашасында Нил Вудс бас бапкер болып тағайындалды[77][78]. Басты үміткерлердің бірі бұрынғы бапкер Рассел Слейд болса да, басқарма Вудсты таңдады. Дегенмен көп ұзамай клуб өз шешімін өзгертіп, капитан Райан Беннетті Питерборо Юнайтед клубына 500 мың фунтқа сатты. Бұл ұсыныс жазда қабылданбаған еді және ойыншы жақында ғана төрт жылдық келісімшартқа қол қойған болатын. Вудстың жетекшілігімен Гримсби Таун ауыр кезеңдерді бастан кешірді. Соңғы алты ойында төрт жеңіс пен бір тең нәтижеге қол жеткізгеніне қарамастан, соңғы турда Бертон Альбион клубынан 0:3 есебімен ұтылып[79], клуб 100 жылға жуық тарихында алғаш рет Футбол Лигасынан түсіп қалды[80].

Нон-Лига (2010–2016)

[өңдеу | қайнарын өңдеу]

Нил Вудс 2011 жылдың 24 ақпанында 15 айдан кейін бас бапкер қызметінен босатылды[81], ол кезде клуб Ұлттық Конференцияда 9-шы орында тұрған еді. 2011 жылдың 23 наурызында бұрынғы Бостон Юнайтед бапкерлік дуэті Роб Скотт пен Пол Херст қос менеджерлер болып тағайындалды[82]. Олар 2010–11 жылғы маусымды 62 ұпаймен 11-ші орында аяқтады[83][84]. 2011 жылдың 19 қыркүйегінде Джон Фенти Гримсби Таун төрағалығынан отставкаға кетті, ол бұл қызметті 7 жыл бойы атқарған болатын[85][86].

2012 жылы 11-ші орын алғаннан кейін, Гримсби Таун 2012–13 жылғы маусымда ФА Трофиде сәтті өнер көрсетіп, Уэмбли стадионында өткен финалға шықты. Онда олар 2013 жылдың 24 наурызында Рексем клубымен ойнады. Ойынның екінші жартысында Энди Кук соққан голдың арқасында Гримсби алға шықты. Алайда 9 минут қалғанда пенальти жіберіп алып, Рексем есепті теңестірді. Ойын қосымша уақытқа, кейін пенальтиге ұласты, ал Гримсби Таун пенальти сериясында 4:1 есебімен ұтылды. Маусым соңын олар жақсы формада аяқтап, қатарынан 9 ойында жеңілмей, соңғы турда Ньюпорт Каунти клубын 3:0 есебімен жеңді[87]. Нәтижесінде 83 ұпай жинап, 4-ші орынға табан тіреді[88]. Дегенмен плей-офф жартылай финалында қайтадан Ньюпорт Каунтиге қарсы шығып, екі ойында да 0:1 есебімен ұтылып, жарыстан шығып қалды. 2013 жылдың 6 қыркүйегінде Роб Скотт шеттетілген соң, басқару дуэті бұзылып, Пол Херст жалғыз өзі команданы жаттықтыруға кірісті[89].

2014–15 жылғы Конференция Премьер-лигасында Гримсби Таун 3-ші орын алып, плей-оффқа өтті[90]. 2015 жылғы плей-офф финалында олар Бристоль Роверс клубымен Уэмбли стадионында 47029 көрермен алдында ойнады. Бұл Конференция тарихындағы рекорд болды[91][92]. Ойын пенальти сериясына ұласып, Джон-Пол Питтман шешуші соққысын мүлт жіберді, нәтижесінде Гримсби Таун 5:3 есебімен ұтылды[91][92][93].

Гримсби Таун ФА Трофи финалына шыққанымен[94], Халифакс Тауннан 0:1 есебімен жеңіліп қалды[95]. Алайда бір апта бұрын олар 2016 жылғы Ұлттық Лига плей-офф финалында Форест Грин Роверс клубын 3:1 есебімен жеңіп, алты жылдық үзілістен кейін Футбол лигасына – Екінші лигаға қайта оралды[96][97].

Футбол лигасына қайта оралу (2016–2021)

[өңдеу | қайнарын өңдеу]

Жоғары лигаға көтерілгеннен кейін бас бапкер Пол Херст алдыңғы маусымда командаға лигаға шығуға көмектескен бірнеше маңызды ойыншыларды командадан босатты[98]. 2016 жылдың 24 қазанында Пол Херст Шрусбери Таун клубының бас бапкері болып тағайындалды. Осыдан кейін Дэйв Мур мен Стюарт Уоткис уақытша бапкерлер болып тағайындалды[99]. 2016 жылдың 7 қарашасында лигаға кірмейтін Солихалл Мурс клубының сол кездегі жаттықтырушысы Маркус Бигнот ресми түрде Гримсби Таун клубының бас бапкері болып тағайындалды, ал Микки Мур оның көмекшісі атанды[100]. 2017 жылдың 10 сәуірінде Бигнот қызметінен босатылды[101]. Оның орнына 12 сәуірде Рассел Слейд тағайындалды, бұл оның клубтағы екінші кезеңі еді[102]. Сол маусымда Гримсби Таун 62 ұпай жинап, 14-ші орында аяқтады[103].

Слейд 2018 жылы 11 ақпанда 12 ойын қатарынан жеңіске жете алмағаннан кейін қызметінен босатылды[104]. Оның орнына Пол Уилкинсон уақытша бапкер болып тағайындалды. 2018 жылы 2 наурызда Майкл Джолли жаңа бас бапкер болып тағайындалды. Ол екі маусым қатарынан клубтың Футбол лигасындағы орнын сақтап, сондай-ақ кубоктық ойындарда жақсы нәтиже көрсетті.

2019 жылдың 29 желтоқсанында Иан Холлоуэй Гримсби Таун клубының бас бапкері болып тағайындалды және клубтың акционері атанды[105]. 2020 жылы 23 желтоқсанда ол күтпеген жерден Twitter арқылы отставкаға кететінін мәлімдеді. Екі ойынға Бен Дэвис уақытша бапкер болды[106][107].

2020 жылдың 30 желтоқсанында Пол Херст қайтадан бас бапкер болып тағайындалды[108], бірақ оның командасы Эксетер Сити клубына 3:2 есебімен ұтылып, бес жылдық үзілістен кейін қайтадан Ұлттық лигаға түсіп қалды[109].

Футбол лигасына қайта көтерілу және жаңа иелер (2021 жылдан бастап)

[өңдеу | қайнарын өңдеу]

2021 жылы 5 мамырда жергілікті кәсіпкерлер Джейсон Стокууд пен Эндрю Петтит өздерінің 1878 Partners компаниясы арқылы клубтың көпшілік үлесіне ие болған Джон Фентиден акцияларды сатып алып, Гримсби Таун клубының жаңа иелері атанды[110].

2021–22 маусымында Гримсби Таун Ұлттық лигада 6-шы орынмен маусымды аяқтады[111]. Плей-оффтың ширек финалында олар Ноттс Каунти клубын 2:1 есебімен жеңді[112], ал жартылай финалда Рексем клубын 5:4 есебімен ұтты[113][114]. 2022 жылғы Ұлттық лига плей-офф финалында олар қосымша уақытта Солихалл Мурс клубын 2:1 есебімен жеңіп, Лига 2-ге қайта оралды[115].

2023 жылы 1 наурызда Гримсби Таун Саутгемптон клубын сырт алаңда 2:1 есебімен жеңіп, 1939 жылдан бері алғаш рет Англия кубогы турнирінің ширек финалына жолдама алды.

2025 жылы 27 тамызда Гримсби Таун Манчестер Юнайтед клубын EFL Cup турнирінің екінші кезеңінде пенальти сериясында 12:11 есебімен жеңіп, кубок тарихындағы ең үлкен сенсациялардың бірін жасады[116][117]. Бұдан кейін 2025 жылы 16 қыркүйекте олар Шеффилд Уэнсдей клубын 1:0 есебімен ұтты.

Жетістіктері

[өңдеу | қайнарын өңдеу]

Лига

  • Second Division (2 деңгей)
    • Чемпион: 1898–99, 1933–34
    • Күміс жүлдегер: 1928–29
  • Football League Third Division North / Football League Third Division/ Football League Second Division (3 деңгей)
    • Чемпион: 1925–26, 1955–56, 1979–80
    • Күміс жүлдегер: 1951–52, 1961–62
    • Плей-офф жеңімпазы: 1998
  • Football League Fourth Division (4 деңгей)
    • Чемпион: 1971–72
    • Күміс жүлдегер: 1978–79, 1989–90
  • National League (5 деңгей)
    • Плей-офф жеңімпазы: 2016, 2022
  • Midland League
    • Чемпион: 1910–11, 1930–31, 1931–32, 1933–34, 1946–47

Кубок

  • Football League Trophy
    • Жеңімпаз: 1997–98
    • Финалист: 2007–08
  • Football League Group Cup
    • Жеңімпаз: 1981–82
  • FA Trophy
    • Финалист: 2012–13, 2015–16
  • Lincolnshire Senior Cup
    • Жеңімпаз (39): 1885–86, 1888–89, 1896–97, 1898–99, 1899–1900, 1900–01, 1901–02, 1902–03, 1905–06, 1908–09, 1912–13, 1920–21, 1922–23, 1924–25, 1928–29, 1929–30, 1932–33, 1935–36, 1936–37, 1937–38, 1946–47, 1949–50, 1952–53, 1967–68, 1972–73, 1975–76, 1979–80, 1983–84, 1986–87, 1989–90, 1991–92, 1992–93, 1993–94, 1994–95, 1995–96, 1999–2000, 2011–12, 2012–13, 2014–15

Сілтемелер

[өңдеу | қайнарын өңдеу]
  1. ↑ a b c d Company History. Grimsby Town F.C..
  2. ↑ Blundell Park - Grimsby Town Football Club  (ағыл.).
  3. ↑ Grimsby Town announce Andrew Pettit and Jason Stockwood as new owners. ITV Consumer Limited 2021 (5 May 2021).
  4. ↑ Club Ownership.
  5. ↑ a b Hales Andrew Memories of Grimsby — Halifax: True North Books, 1998. — P. 24–25. — ISBN 1-900463-97-0.
  6. ↑ a b Grimsby Town. Historical Football Kits.
  7. ↑ Football League 1892–1893. Football Club History Database.
  8. ↑ Slade Michael J. The History of the English Football League: Part One—1888–1930 — Houston, TX: Strategic Book Publishing & Rights Agency (SBPRA), 2013. — P. 105. — ISBN 978-1-62516-183-3.
  9. ↑ Grimsby Town 1900–1901: Table: Final Table. Statto Organisation.
  10. ↑ Grimsby Town 1902–1903: Table: Final Table. Statto Organisation.
  11. ↑ Grimsby Town 1909–1910: Table: Final Table. Statto Organisation.
  12. ↑ Midland League – Honours. Northern Counties East Football League.
  13. ↑ Grimsby fish market to open over festive period, FISHupdate, Wyvex Media (21 December 2006).
  14. ↑ Grimsby Town 1919–1920: Table: Final Table. Statto Organisation.
  15. ↑ Grimsby Town 1928–1929: Table: Final Table. Statto Organisation.
  16. ↑ Grimsby Town 1934–1935: Table: Final Table. Statto Organisation.
  17. ↑ Arsenal defeats Grimsby Town in the FA Cup Semi-Finals. ITN Source.
  18. ↑ Green, Trevor. Blundell Park through the ages, Grimsby Telegraph (20 April 2016). [dead link]
  19. ↑ a b Kelly Graham Terrace Heroes: The Life and Times of the 1930s Professional Footballer — Oxford: Routledge, 2005. — P. 75–76. — ISBN 0-7146-5359-4.
  20. ↑ Marshall, Adam. Old Trafford's evolution, Manchester United F.C. (25 March 2011).
  21. ↑ Season 1947–48.
  22. ↑ a b Grimsby Town 1947–1948: Table: Final Table. Statto Organisation.
  23. ↑ a b When Bill Shankly and Allenby Chilton reigned supreme, Grimsby Telegraph (5 January 2015).
  24. ↑ Club Honours & Managers Roll Call. Cod Almighty.
  25. ↑ Grimsby Town 1951–1952: Table: Final Table. Statto Organisation.
  26. ↑ Kelly Stephen F. Bill Shankly: It's Much More Important Than That — London: Virgin Books, 1997. — P. 76–78. — ISBN 0-7535-0003-5.
  27. ↑ Manager – Grimsby. LFCHistory.net.
  28. ↑ Beginning a football revolution, BBC News (30 November 2009).
  29. ↑ Grimsby Town 1954–1955: Table: Final Table. Statto Organisation.
  30. ↑ Grimsby Town 1955–1956: Table: Final Table. Statto Organisation.
  31. ↑ Grimsby Town 1967–1968: Table: Final Table. Statto Organisation.
  32. ↑ Record signing Phil Hubbard is back for Grimsby Town reunion, Grimsby Telegraph (28 October 2014).
  33. ↑ A sea of 23,000 fans roared on McMenemy's champions of 71, Grimsby Telegraph (15 May 2010).
  34. ↑ Lawrie Mcmenemy MBE. The League Managers Association.
  35. ↑ Grimsby Town 1976–1977: Table: Final Table. Statto Organisation.
  36. ↑ Grimsby Town 1978–1979: Table: Final Table. Statto Organisation.
  37. ↑ Grimsby Town 1980–1981: Table: Final Table. Statto Organisation.
  38. ↑ Grimsby Town 1983–1984: Table: Final Table. Statto Organisation.
  39. ↑ Grimsby Town 1986–1987: Table: Final Table. Statto Organisation.
  40. ↑ Grimsby Town 1987–1988: Table: Final Table. Statto Organisation.
  41. ↑ Grimsby Town 1988–1989: Table: Final Table. Statto Organisation.
  42. ↑ Grimsby Town 1989–1990: Table: Final Table. Statto Organisation.
  43. ↑ Grimsby Town 1990–1991: Table: Final Table. Statto Organisation.
  44. ↑ a b Grimsby Town 1996–1997: Table: Final Table. Statto Organisation.
  45. ↑ Grimsby Town 1992–1993: Table: Final Table. Statto Organisation.
  46. ↑ Grimsby Town 1993–1994: Table: Final Table. Statto Organisation.
  47. ↑ Brian Laws. League Managers Association.
  48. ↑ Grimsby Town 1994–1995: Table: Final Table. Statto Organisation.
  49. ↑ Grimsby Town 1995–1996: Table: Final Table. Statto Organisation.
  50. ↑ Wayne Burnett – A GTFC Legend, Grimsby Town F.C. (12 January 2016).
  51. ↑ Grimsby Town 1997–1998: Table: Final Table. Statto Organisation.
  52. ↑ Jackson, Henry. Liverpool 3–0 Grimsby: On this day in 1997: Michael Owen scores first Liverpool hat-trick, This Is Anfield (18 November 2013).
  53. ↑ a b c Lloyd, Gwilym. Buckley savours Wembley hat-trick, BBC Sport (27 March 2008).
  54. ↑ Grimsby bounce back to Division 1, BBC News (24 May 1998).
  55. ↑ Johnson, Jack (November 2010). "Zhang Enhua". WSC (London: When Saturday Comes). http://www.wsc.co.uk/the-archive/26-the-strange-case-of/7920-zhang-enhua. Retrieved 3 October 2025. 
  56. ↑ Enhua happy to be a Mariner  (ағыл.), BBC Sport (10 January 2001).
  57. ↑ Bateman, Steve. Menno's The Man For Lennie  (ағыл.), Sky Sports (2 March 2001).
  58. ↑ Gutsy Grimsby stay up  (ағыл.), BBC Sport (6 May 2001).
  59. ↑ a b Liverpool 1–2 Grimsby  (ағыл.), BBC Sport (9 October 2001).
  60. ↑ Dominic, Fifield. Jevons stuns Liverpool at the death  (ағыл.), The Guardian (10 October 2001).
  61. ↑ Grimsby aim to avoid debt crisis  (ағыл.), BBC Sport (13 January 2005).
  62. ↑ Davies, Tom (April 2005). "Grimsby, Swindon, Stockport". WSC (London: When Saturday Comes). http://www.wsc.co.uk/wsc-daily//25-Sharp-end/1656-grimsby-swindon-stockport. Retrieved 6 October 2025. 
  63. ↑ Leicester sign Coyne  (ағыл.), BBC Sport (3 July 2003).
  64. ↑ Santos signs for Ipswich  (ағыл.), BBC Sport (17 July 2003).
  65. ↑ Grimsby sack Groves as boss  (ағыл.), BBC Sport (9 February 2004).
  66. ↑ Slade takes over at Grimsby  (ағыл.), BBC Sport (28 May 2004).
  67. ↑ John Elsom Joins Town Board  (ағыл.), Grimsby Town F.C. (10 December 2002).
  68. ↑ AGM This Morning  (ағыл.), Grimsby Town F.C. (19 December 2002).
  69. ↑ Grimsby 1–0 Tottenham  (ағыл.), BBC Sport (20 September 2005).
  70. ↑ Anstead, Mike. Coca-Cola League Two play-off final: Grimsby Town 0–1 Cheltenham  (ағыл.), The Guardian (29 May 2006).
  71. ↑ Manager Slade leaves Grimsby post  (ағыл.), BBC Sport (31 May 2006).
  72. ↑ Mitchener, Mark. Grimsby 0–2 MK Dons  (ағыл.), BBC Sport (30 March 2008).
  73. ↑ Grimsby dismiss manager Buckley, BBC Sport (15 September 2008).
  74. ↑ Newell takes over as Grimsby boss  (ағыл.), BBC Sport (6 October 2008).
  75. ↑ Town Part Company with Newell  (ағыл.), Grimsby Town F.C. (19 October 2009).
  76. ↑ Newell sacked as Grimsby manager  (ағыл.), BBC Sport (18 October 2009).
  77. ↑ Woods named new Grimsby manager  (ағыл.), BBC Sport (23 November 2009).
  78. ↑ Neil Woods appointed Grimsby Town boss  (ағыл.), Grimsby Telegraph (23 November 2009).
  79. ↑ Burton 3–0 Grimsby  (ағыл.), BBC Sport (8 May 2010).
  80. ↑ Lutz, Tom. League Two: Grimsby Town relegated after Burton defeat  (ағыл.), The Guardian (8 May 2010).
  81. ↑ Grimsby Town part with manager Neil Woods  (ағыл.), BBC Sport (23 February 2011).
  82. ↑ Grimsby Town appoint Rob Scott and Paul Hurst  (ағыл.), BBC Sport (23 March 2011).
  83. ↑ Wimbledon 2–1 Grimsby  (ағыл.). Soccerway. Perform Group.
  84. ↑ Grimsby Town 2010–2011: Table: Final Table. Statto Organisation.
  85. ↑ John Fenty resigns as Grimsby Town chairman  (ағыл.), BBC Sport (19 September 2011).
  86. ↑ Grimsby Town Football Club Statement  (ағыл.). Grimsby Town F.C. (20 September 2011).
  87. ↑ Grimsby 3–0 Newport  (ағыл.), BBC Sport (20 April 2013).
  88. ↑ Grimsby Town 2012–2013: Table: Final Table. Statto Organisation.
  89. ↑ Paul Hurst takes sole charge as Rob Scott departs  (ағыл.), BBC Sport (6 September 2013).
  90. ↑ Grimsby 3–1 Aldershot  (ағыл.), BBC Sport (25 April 2015).
  91. ↑ a b Thomas, Lyall. Bristol Rovers 1–1 Grimsby: Rovers back in Football League after shoot-out win  (ағыл.), Sky Sports (19 May 2015).
  92. ↑ a b Ashdown, John. Bristol Rovers promoted to League Two after beating Grimsby on penalties  (ағыл.), The Guardian (17 May 2015).
  93. ↑ Bristol Rovers 1–1 Grimsby  (ағыл.), BBC Sport (17 May 2015).
  94. ↑ FA Trophy: Halifax to face Grimsby Town in Wembley final  (ағыл.), BBC Sport (10 March 2016).
  95. ↑ Sweet, Geoff. FC Halifax 1–0 Grimsby  (ағыл.), The Football Association (22 May 2016).
  96. ↑ Bogle scores twice as Grimsby beat Forest Green in National League play-off final  (ағыл.), The Guardian (15 May 2016).
  97. ↑ Forest Green 1–3 Grimsby  (ағыл.), BBC Sport (15 May 2016).
  98. ↑ Retained List Announced  (ағыл.), Grimsby Town F.C. (24 May 2016).
  99. ↑ Paul Hurst leaves Grimsby to become the new manager at Shrewsbury Town  (ағыл.), The Guardian (24 October 2016).
  100. ↑ Marcus Bignot: Grimsby Town appoint Solihull Moors boss as manager  (ағыл.), BBC Sport.
  101. ↑ Marcus Bignot: Grimsby Town sack manager after five months in job  (ағыл.), BBC Sport.
  102. ↑ Russell Slade: Grimsby Town appoint manager for second time  (ағыл.), BBC Sport.
  103. ↑ League Two Table  (ағыл.), BBC Sport.
  104. ↑ Treadwell, Matthew. Grimsby Town part company with manager Russell Slade  (ағыл.), Sky Sports (11 February 2018).
  105. ↑ 'I feel like a kid in a sweet shop': Ian Holloway appointed Grimsby manager  (ағыл.) (31 December 2019).
  106. ↑ Ben Davies reflects on 'tough week' after Grimsby Town fall to 3–1 defeat at Morecambe  (ағыл.), GrimsbyLive, Grimsby Telegraph (26 December 2020).
  107. ↑ Ben Davies laments lack of quality as Grimsby draw with Oldham  (ағыл.), Evening Express (29 December 2020).
  108. ↑ Hurst Appointed First Team Manager  (ағыл.). Grimsby Town F.C. (30 December 2020).
  109. ↑ Grimsby Town have been relegated from the EFL  (ағыл.), GrimsbyLive (27 April 2021).
  110. ↑ Jason Stockwood and Andrew Pettit complete Grimsby Town takeover  (ағыл.) (5 May 2021).
  111. ↑ 2021/22 season  (ағыл.).
  112. ↑ Notts 1-2 Grimsby (AET)  (ағыл.).
  113. ↑ Grimsby beat Notts County in dramatic play-off tie  (ағыл.) (23 May 2022).
  114. ↑ Aled Williams. Grimsby end Wrexham's play-off dreams in thriller  (ағыл.), BBC Sport (28 May 2022).
  115. ↑ Chris Peddy. Solihull Moors 1–2 Grimsby Town (AET) - Jordan Maguire-Drew winner sends Mariners back to EFL  (ағыл.), BBC Sport (5 June 2022).
  116. ↑ Grimsby Town vs Manchester United: League Cup stats & head-to-head  (ағыл.).
  117. ↑ Grimsby send fans wild on famous night for club. BBC Sport (28 August 2025). Тексерілді, 9 қазан 2025.
«https://kk.wikipedia.org/w/index.php?title=Гримсби_Таун&oldid=3509045» бетінен алынған